四點金飯店

Open Now

Now Closed

又係放工鬆一鬆嘅時候， 去咗新都城行街加搵嘢食，見有間樓面幾光鮮的中式潮州菜館就入去試下。門口有大大個櫥窗，掛住好多鹵水同潮州打冷食物， 感覺乾淨衛生，侍應招呼周到，室內環境寬敞，感覺唔錯。家鄉煎蠔仔烙煎得好香口，有脆脆邊， 是厚底那種，內裏包着滿滿的蠔仔，而蠔仔size唔細， 一啖已經食到滿滿的蠔肉。粉漿調教得吾錯，落好煙韌， 呢個口咁我鍾意。乾撈粉絲海皇煲上枱時滾熱辣， 粉絲炒得好乾身夠鑊氣， 一啲都唔覺得肥膩，加了黑胡椒，有少辣， 但唔太過火，好惹味， 有蝦仁乾瑤柱做點綴。香脆招牌蛋散見呢個蛋散好多好評， 當然要試下。26蚊有半打， 價錢相宜。上枱時還有微熱， 新鮮即制，炸得好鬆化。糖漿唔太多，用咗椰絲、黃糖、花生碎取代 ，口感豐富 超讚。