小草屋潮家菜 (Closed)

我哋三個嚟寶琳買嘢，首先醫咗肚先，原本諗住散叫，但老公話想試多幾款餸，所以就揀咗buffet嘞。先嚟個乳鴿和紅燒鮑参翅肚。乳鴿細細隻，但幾好味又有D脆tim。個就一般啦。我哋order 咗兩round，潮家蠔烙，少少脆，中間有D煙韌，口感唔錯，幾好味喎。川椒雞有川椒味，味道OK，炸双棗都唔錯，可惜冇桔汁啦。方鱼肉碎粥就麻麻哋，粥底唔好味。XO翠玉瓜炒鳳蝦，冇乜XO醬味，淡咗少少，蝦都幾爽口。欖菜四季豆幾好味，菠蘿咕嚕肉都好味，有少少脆，個甜酸汁又好味道。荔香鴨油吃咗D，味道OK嘅。椒盬魷魚鬚十分油又冇味，鹵水拼盤更差，有紅腸﹐豬耳、鹵肉、鹵蛋、豆腐及鵝皮(無肉)，鵝皮只得兩片，但太肥嘞，豆腐仲有少少酸，鹵蛋得咸味，全碟只有豬耳OK咋。大人-$108，小童-$78，Buffet 食物質素一般，下次都喺散叫喇。