潮福蒸氣石鍋 (Closed)

天寒地凍，放工梗係去食海鮮蒸火鍋啦！臨近新年，旺角道街市d水果檔收得夜，順便買d平靚正水果！言歸正傳，今次黎呢間酒家，因為佢有新鮮海產即揀即蒸，仲邊使山長水遠入鯉魚門！菲律賓膏蟹，龍蝦，蚌，魚，蠔，蜆，蝦，蟶子，鮑魚樣樣皆備! 有個磅可以明碼實價，唔怕俾人呃砰! 其實鋪頭入面有好多唔同款式嘅點心，蒸品，小菜等等！今次嚟到，見到咁靚嘅海鮮，梗係食最新鮮👍🏻一定無得輸！返埋位，侍應都好貼心地幫忙蒸海鮮！每台都有計時器，計算每種海鮮清蒸的時間! 菲律賓膏蟹真係好多膏好鮮甜，龍蝦啖啖肉，好鮮嫩! 鮑魚同蟶子都好有咬口! 真係好好味適合一家大細，朋友歡聚，生日慶祝！一大班人可以叫多幾款海鮮食! 宜家仲回味中!