川公所 (Closed)

牛頭角食肆多，同事們都鐘意食四川茶，於是大家一齊去淘大商場搵食。行過見到門面好有特色，入面裝潢好中國風色彩，啱晒我哋相機食先一族打卡。餐牌琳琅滿目，價錢親民，味道唔錯，十分有水準。香辣蝦份量都唔少，隻隻都嫩肉彈牙，有鮮味，麻辣味濃，濃汁連埋蝦一齊食，好正。蒜蓉燒扇貝大大隻扇貝肉，夠哂肥美，搭上蒜蓉粉絲，鮮味得嚟惹味。川式魚香茄子茄子唔會煮得太腍，食落有嚼頭，吸收曬鹹鹹香香既濃辣醬汁，好食到停唔到口。