Video
Read full review
2024-10-04
131 views
呢間餐廳想食好耐，終於同老公嚟試咗，我哋平日夜晚嚟食個場都幾full，睇嚟有一班捧場客，今日試完都幾滿意，印象唔錯。潮式炸雙棗（蝦棗，蟹棗） $148 每樣有4粒，入口彈牙，配酸甜醬一齊食，香口而且餡料足，真係食到鮮味，唔錯既小食。半煎煮牙帶魚$138好大碟，牙帶魚煎得金黃，連同蘿蔔絲、香菇絲同芹菜及蔥絲做成芡汁，好香，魚肉紮實，味道鮮甜。川椒龍鳳球$148 即係蝦球同雞件，蝦球煎香，雞件嫩滑，個調味幾惹味，連同炸辣椒葉一齊食，老公食咗一大碟。潮州津菜雙丸湯（魚丸，墨丸）$128D丸真材實料，好有鮮味，入口彈牙個湯好清甜好鮮，用了大量方魚、瑤柱、肉碎及芹菜等做既湯底，津菜充滿鮮味。潮式鵝片撈麵(一位）$68份量唔少，高質素。鵝片大片，好入味，肉質腍。個撈麵勁爽，彈牙，好有誠意。潮式蠔仔粥（一碗） $68好大碗，完全足料，每樣料都好多，d蠔仔好肥美，其他料好似方魚、香菇、肉碎都好多，成個粥好甜。馬蹄綠豆爽$36清清地的一個甜品，綠豆有咬口，馬蹄清爽，食完幾舒服。食晒所有嘢之後，店員更為我們奉上潮州功夫茶，作為完美的句號。
潮式炸雙棗（蝦棗，蟹棗） $148
每樣有4粒，入口彈牙，配酸甜醬一齊食，香口而且餡料足，真係食到鮮味，唔錯既小食。
半煎煮牙帶魚$138
好大碟，牙帶魚煎得金黃，連同蘿蔔絲、香菇絲同芹菜及蔥絲做成芡汁，好香，魚肉紮實，味道鮮甜。
川椒龍鳳球$148
即係蝦球同雞件，蝦球煎香，雞件嫩滑，個調味幾惹味，連同炸辣椒葉一齊食，老公食咗一大碟。
潮州津菜雙丸湯（魚丸，墨丸）$128
D丸真材實料，好有鮮味，入口彈牙個湯好清甜好鮮，用了大量方魚、瑤柱、肉碎及芹菜等做既湯底，津菜充滿鮮味。
潮式鵝片撈麵(一位）$68
份量唔少，高質素。鵝片大片，好入味，肉質腍。個撈麵勁爽，彈牙，好有誠意。
潮式蠔仔粥（一碗） $68
好大碗，完全足料，每樣料都好多，d蠔仔好肥美，其他料好似方魚、香菇、肉碎都好多，成個粥好甜。
馬蹄綠豆爽$36
清清地的一個甜品，綠豆有咬口，馬蹄清爽，食完幾舒服。
食晒所有嘢之後，店員更為我們奉上潮州功夫茶，作為完美的句號。
Post
