Video
Read full review
2008-07-31
32 views
被稱為邊爐怪的我，冬天時，一星期打足四日都唔會厭，家陣天氣熱，但仍然打邊爐欲望不減，幾驚艱辛，率之威迫倒男朋友陪我去食呢個和牛火鍋。其實家陣有冷氣，打邊爐都完全無問題喎。呢個任食每位$720，聽落好以貴d，但因為呢度係五星級酒店既日本料理，仲要係任食和牛，所以都覺得合理，我地打開餐牌睇，見倒平時食神戶和牛shabu shabu，每位都要$720，所以感覺上超扺。據侍應講，任食既澳洲和牛屬M6級（澳洲和牛以M12級為最高），我本人就覺得非常適合任食，因為M6食落無咁肥，唔會食少少就濟住濟住，雖然唔似日本和牛入口即溶，但其實佢既肉質同樣鬆化，而且比日本和牛更有肉味，更有咬口。除左鮮嫩既和牛外，雜菜亦係無限量供應，另更每位奉送前菜、雜錦剌身(有大大隻既北海道牡丹蝦和築地油甘魚，非常新鮮!!!超YUMMY!!!)、日本年糕和日本手打讚岐烏冬，實在是非常超值！！讚岐烏冬為日本三大名麵，比稻庭粗身(但絕對唔係超市ｏ個十蚊三包既貨式)，係非常非常非常非常彈牙，總之香港較少地方有得食，值得一試架。 除左抵食外，唔可以唔提佢既秘製湯底。傳統既shabu shabu，一般選用昆布湯底，味道比較清淡，而嵯峨
呢個任食每位$720，聽落好以貴d，但因為呢度係五星級酒店既日本料理，仲要係任食和牛，所以都覺得合理，我地打開餐牌睇，見倒平時食神戶和牛shabu shabu，每位都要$720，所以感覺上超扺。
據侍應講，任食既澳洲和牛屬M6級（澳洲和牛以M12級為最高），我本人就覺得非常適合任食，因為M6食落無咁肥，唔會食少少就濟住濟住，雖然唔似日本和牛入口即溶，但其實佢既肉質同樣鬆化，而且比日本和牛更有肉味，更有咬口。
除左鮮嫩既和牛外，雜菜亦係無限量供應，另更每位奉送前菜、雜錦剌身(有大大隻既北海道牡丹蝦和築地油甘魚，非常新鮮!!!超YUMMY!!!)、日本年糕和日本手打讚岐烏冬，實在是非常超值！！讚岐烏冬為日本三大名麵，比稻庭粗身(但絕對唔係超市ｏ個十蚊三包既貨式)，係非常非常非常非常彈牙，總之香港較少地方有得食，值得一試架。
除左抵食外，唔可以唔提佢既秘製湯底。傳統既shabu shabu，一般選用昆布湯底，味道比較清淡，而嵯峨野今次選用既牛肉清湯，據講係由日本總廚以牛肉熬製，味道鮮甜濃郁，當湯喝同樣ichiban!!!
雖然男朋友係為左我先黎食，但係佢食完之後都非常滿意，仲讚我叻叻，帶佢黎食好野添，呢餐飯真係非常愉快同埋滿足！
Post