Video
Read full review
2023-04-02
2635 views
每年復活節前後前後期間，萬麗海景酒店的【Cafe Renaissance】都會推出主題自助晚餐，以滿足一眾饞嘴人士口腹之欲。今期更落重本推出《Voyage to the Sea and Land haven 海陸雙饗之旅》，鍾意游水龍蝦及和牛嘅話，今期不容錯過！今次海陸主題自助餐供應日期為3月27日至5月31日，只限晚餐時段。價格成人港幣$758，3-11歲小童港幣$458 (星期一至四)；成人港幣$798，3-11歲小童港幣$478 (星期五至日及公眾假期)。如果在酒店官網預訂仲有 取消75折(加 10% 服務費以原價計算)。話明係海陸主題，一定不能缺少鮮甜美味的海鮮；至於陸地上的代表，當然首推和牛。餐廳行政主廚選用澳洲和牛，精心炮製多達 13款美饌，讓和牛的豐腴滋味溢滿口腔及刺激味蕾。先嚐海洋風味。冰鎮海鮮有麵包蟹、青口、翡翠螺、松葉蟹腳、海蝦及波士頓龍蝦，仲有幾款 dressing sauce 添加味道。沒有即開生蠔，但就多了龍蝦陣，同樣大受歡迎。既然係主題自助餐，間間星級酒店自助餐都有嘅冰鎮海鮮當然唔會係主角。自助餐開始後不久，侍應先送上每位一隻六頭磯煮鮑魚！選用活南非鮮鮑，以
今次海陸主題自助餐供應日期為3月27日至5月31日，只限晚餐時段。價格成人港幣$758，3-11歲小童港幣$458 (星期一至四)；成人港幣$798，3-11歲小童港幣$478 (星期五至日及公眾假期)。如果在酒店官網預訂仲有 取消75折(加 10% 服務費以原價計算)。話明係海陸主題，一定不能缺少鮮甜美味的海鮮；至於陸地上的代表，當然首推和牛。餐廳行政主廚選用澳洲和牛，精心炮製多達 13款美饌，讓和牛的豐腴滋味溢滿口腔及刺激味蕾。
先嚐海洋風味。冰鎮海鮮有麵包蟹、青口、翡翠螺、松葉蟹腳、海蝦及波士頓龍蝦，仲有幾款 dressing sauce 添加味道。沒有即開生蠔，但就多了龍蝦陣，同樣大受歡迎。
既然係主題自助餐，間間星級酒店自助餐都有嘅冰鎮海鮮當然唔會係主角。自助餐開始後不久，侍應先送上每位一隻六頭磯煮鮑魚！選用活南非鮮鮑，以冷盤形式處理，鮑魚味濃郁，入口軟綿、煙靱、彈牙。
六頭磯煮鮑魚－活南非鮮鮑
46 views
0 likes
0 comments
新鮮蒸焗活波士頓龍蝦
52 views
0 likes
0 comments
日式美食方面，刺身有三文魚、油甘、吞拿、八爪魚及帆立貝。為配合主題，期間限定推出兩款和牛壽司：火炙和牛壽司及和牛太卷。以火炙和牛壽司更好味，雖然並非即炙即揑，但仍然充滿濃郁牛脂香氣，肉質軟腍。
火炙和牛壽司
46 views
0 likes
0 comments
凍肉有 Parma ham、Chorizo sausage、Coppa ham、Salami、Smoked salmon 及 marinated beetroot cured salmon。一向偏愛原隻切片火腿，可以品嚐到豬腿肉的鹹香油潤，見到 parma ham 當然不會錯過。
除了必有的凱撒沙律(caesar salad) 及自助沙律吧，配合今次自助餐主題，特別炮製了4款預制沙律，全部加入了不同生熟程度的澳洲和牛，賣相吸引。雖然小編不太鍾意食沙律，但喜愛沙律嘅話不容錯過。Seared Wagyu steak mango and radish salad (烤和牛牛扒配芒果櫻桃蘿蔔沙律) 味味酸酸甜甜、又有生果，配搭香口多油脂的烤和牛牛扒最合適，味道也最吸引。
Wagyu beef tagliata potato rocket Parmesan (意式和牛牛扒配薯仔火箭菜及巴馬臣芝士沙律) 有芝士碎、又有薯仔，夠飽肚。
Thai spiced roasted Wagyu beef salad (泰式燒和牛沙律)酸酸辣辣，帶有濃厚泰式風情，作為開胃頭盤最啱。
Wagyu Carpaccio (和牛生牛肉薄片配松露油醋汁伴火箭菜) 係經典意式生牛肉菜式，味道濃烈，啱重口味人士。
三款熱湯極力推介原盅燉湯沙參圓肉薏米唐排燉螺頭，湯料豐富，入口清甜唔肥膩。另外還有一中一西兩款湯羹蓮藕煲豬骨及蕃茄忌廉湯。
原盅燉湯沙參圓肉薏米唐排燉螺頭
17 views
0 likes
0 comments
即淥麵檔是 M5和牛越南湯河，有兩個不同部位和牛選擇，又多兩款和牛菜式。Chunk Roll 肩胛肉及 Wagyu Round 臀腿肉同樣脂肪較少、肉質結實，但兩者比較仍然有少許分別；Chunk Roll 較為軟嫰，Wagyu Round 就更結實有咬口。自家製牛丸出乎意料地好味，不似傳統偏鹹的潮州牛丸，鹹度剛剛好；但仍然有牛味、咬落彈牙有嚼勁。湯頭同樣出色，有別於傳統越式風味清湯；味道偏香濃，有牛味之餘，又有青檸、香茅葉香氣及微辣，保留了越式生牛肉湯河精粹。雖然自助餐食牛肉湯河好似唔抵，但真係好好味，一定要試！
M5和牛越南湯河
26 views
0 likes
0 comments
另外一個必食菜式肯定係現烤馬來西亞大蝦及坑紋生鐵板即煎澳洲和牛牛板腱，也是整頓自助餐最多人排隊的菜式。屬於肩胛部位的牛板腱肉味香濃，雖帶有嫩筋，但始終係澳洲和牛，同時又有恰到好處的大理石油花。煎至三至五成熟左右(medium rare) 最合適，口感柔嫩多汁、有適度肉味、有油香、冇筋膜、兼有少少嚼勁；牛魔王最少要食三碟。
即煎澳洲和牛牛板腱
37 views
1 likes
0 comments
最後四款和牛菜式選用了不同部位和牛，並且配合肉質特點，分別用了粵、川、韓及西式四種不同風味炮製而成。其中的低溫慢燉韓式和牛牛尾，侍應強調餐廳行政主廚強力推薦，無論如何一定要試試。軟腍入味，輕輕一抿，牛尾肉瞬間在口中化開；炆煮牛尾的醬汁又帶有水果天然香甜，果然係相當正宗嘅韓式口味。配搭的甘筍及白蘿蔔同樣不容錯過，入味之餘，又保留了蘿蔔清甜。這道韓式和牛牛尾果然出色！
低溫慢燉韓式和牛牛尾
35 views
0 likes
0 comments
鍾意中式粵菜鑊氣嘅可以選擇蒜香爆炒和牛牛柳粒。嗜辣嘅可以揀香料味撲鼻而來的川味紅燒和牛牛腩；不過，始終係自助餐，冇辦法做到川菜麻辣香兼備的濃烈味道。四款和牛菜式比較之下，果然是慢燉韓式和牛牛尾大熱跑出，最好味！
飽嚐多款和牛菜式之後，其餘中西印度統統淪為配角，仍然有胃納的話不妨淺嘗。印度菜式選擇相對較少，只有羊肉咖喱、印度長米 Bashati Rice及香脆可口的炸蝦片。
中式熱盤有椒鹽蝦碌、燜雜菜、叉燒、燒鴨、大蝦瑤柱荷葉飯；當然不會缺少餐廳的馳名招牌菜式豉汁蒸大鱔；肉質爽滑，味道鮮甜，入口充滿白鱔的油脂肥美，肯定是游水鱔！
西式熱盤有烤蘆筍、煙肉芝士焗大啡菇、煙肉芝士焗蠔、焗薯角。
燒烤美食有烤魚(Fish Carving)、燒牛肉(Roasted Beef )、燒羊髀(Roasted Lamb Leg)、燒雞(Roasted Chicken) 及燒牛肋骨(Roasted Prime Rib)；可以淺嘗。
雖然和牛很美味，但記得留胃食甜品。琳瑯滿目的甜點中，必食推介現場即製法式可麗餅 French Crepes，睇見條調排隊人龍就知一定不容錯過！可自由配搭士多啤梨粒、芒果粒、藍莓醬、小紅莓醬、鮮忌廉。
法式可麗餅 French Crepes
23 views
0 likes
0 comments
法式可麗餅 French Crepes
20 views
0 likes
0 comments
食得健康嘅可以揀切粒新鮮水果，小朋友就一定不會放過各款糖果：熊仔橡皮軟糖、棉花糖及傳統中式椰子糖；較特別嘅選擇有 Chocolate Bon Bon 及Sesame cookies (芝麻曲奇)。尤其不容錯過顏色鮮艷奪目，外皮香脆、內裏軟滑的朱古力 Chocolate Bon Bon。
另有6款口味原個切餅，食材多元化，總有一款啱口味：Caramel Apple Cake、Pandan Chiffon cake、Cheese cake、Mixed Berry Tart、Chocolate Orange cake 及 Chocolate Raspberry mousse cake。強力推薦朱古力味及生果未兼備的Chocolate Orange cake 以及充滿清新莓味的Mixed Berry Tart。
自助餐非常流行的迷你甜品方面，傳統嘅可以揀Mango cheese cake 及Chocolate tart。鍾意賣相精緻、細細杯嘅又有 Milk tea panna cotta、Serradura cake (木糠布甸)及 Green tea red bean mousse。美中不足今次沒有最愛嘅 Valrhona chocolate mousse。
一如既往，【Cafe Renaissance】自助餐的食物款式多元化，員工服務態度殷勤有禮；最吸引之處肯定係不斷推出不同主題的自助餐，保證客人每次都有新鮮感！
Post
