恆香冰室 (白加士街)

Open Now

Now Closed

當澳牛依舊大排長龍之時，兩舖之隔既位置已靜靜地開左一家恆香冰室。冰室地方雖小，但因為樓底夠高裝修光猛既關係，感覺都既舒服。早餐選擇算多，炒蛋色澤黃潤蛋香OK，多士件頭比較小，火腿米粉及格，餐肉蛋治無烘底，有點昔日茶記味道。服務方面，伙計都快手有禮貌，又唔會強逼要客人搭枱，都及格。唯一需要改善係茶檔伙計，點解要將張單放響碗粉上面，感覺唔係好衛生。餐廳門口有售賣恆香餅食，不過無聞到任何香味，估計係同餅家分店一樣既預先製成品而非即場烘焙。其實如果有焗餅香味，應該會吸引更多遊客客人留意呢間冰室。