梁慶記

Open Now

Now Closed

梁慶記(20/5) 星期五 中午12點左右特式：呢間麵店最出名既竟然唔係麵，反而係豬扒包，但因為係lunch，驚食豬扒包唔飽，所以都係食麵。食物：溫泉蛋安格斯牛蝦子撈麵 - 先講講size，我叫左M size但都好夠一個成年人食，牛肉就唔覺得係安格斯，只係比普通肥牛好食d，蝦子麵底係用粗麵嚟做撈麵，好食，又入味，溫泉蛋就正正常常，無特別。配料 - 加錢加左墨魚餅，唔覺好食，本身自己好鐘意食墨魚餅，但佢就做到無乜特別。飲品 - 今次無叫野飲。環境：餐廳環境正常，但就唔算好坐，有點窄同熱。服務：服務態度正常，無話特別好或者特別差。價錢：大約50蚊左右一碗麵。總結：每次經過佢門口都聞到好香嘅牛肉味，其實佢就反而有啲似車仔麵feel，只係轉左做蝦子撈麵底，d餸就唔係出色，亦都唔吸引，但佢個撈麵就做得唔錯，下次期望試吓佢個豬扒包。