Video
Read full review
2022-03-31
2451 views
又嚟寫返之前食過嘅餐廳～💁🏻♀️ 呢間「煲仔榮記」係「榮記茶餐室」嘅副線，慈雲山「榮記茶餐室」嘅沙嗲牛肉煲仔麵係沙爹牛肉麵關注組人氣推介，肥佬黎都有推介過㗎👀 依家喺旺角花園街「煲仔榮記」都可以食到啦，好方便！除咗沙嗲牛煲仔麵，都有招牌煲仔飯可以食！🍲嗰日排隊排咗差唔多半個鐘先有位，餐廳門面同內部裝修都好有老香港特色，好懷舊！❤️ 沙嗲鮮牛肉煲仔沾麵 $78煲仔沾麵係呢度嘅招牌菜式，喺「榮記茶餐室」係無賣㗎～所以點都要試試佢😆 醬汁可以揀蕃茄/沙嗲；湯底可以揀龍蝦湯/雞湯；餸可以揀滑牛肉/豬肉餅/雞皮卷/牛小排(+$50)；麵方面可以揀公仔麵/粉絲😎沙嗲汁非常濃稠，齋望都已經覺得比日本沾麵汁濃2-3倍！香氣撲鼻未食已經流曬口水🤭 個沙嗲汁好重口好濃郁，反而唔係好食到龍蝦湯味🧐 沙嗲汁入面勁多花生碎，好沙好香口🙊 食食吓發覺個汁鹹得嚟辣度都幾驚人🔥 好彩有叫枝奶茶解吓辣，食到我流曬汗🥵 滑牛肉分量都多，佢唔似一般茶餐廳做法用梳打粉去醃，所以夠牛味夠滑。 公仔麵係分開上，本身麵條未完全煮熟，放落熱辣辣嘅沙嗲汁後口感就啱啱好，軟硬適中又掛汁，食到雪雪聲！😝每食一啖個口腔都充斥沙嗲香，辣勁更逐層
嗰日排隊排咗差唔多半個鐘先有位，餐廳門面同內部裝修都好有老香港特色，好懷舊！❤️ 沙嗲鮮牛肉煲仔沾麵 $78
煲仔沾麵係呢度嘅招牌菜式，喺「榮記茶餐室」係無賣㗎～所以點都要試試佢😆 醬汁可以揀蕃茄/沙嗲；湯底可以揀龍蝦湯/雞湯；餸可以揀滑牛肉/豬肉餅/雞皮卷/牛小排(+$50)；麵方面可以揀公仔麵/粉絲😎
沙嗲汁非常濃稠，齋望都已經覺得比日本沾麵汁濃2-3倍！香氣撲鼻未食已經流曬口水🤭 個沙嗲汁好重口好濃郁，反而唔係好食到龍蝦湯味🧐 沙嗲汁入面勁多花生碎，好沙好香口🙊 食食吓發覺個汁鹹得嚟辣度都幾驚人🔥
好彩有叫枝奶茶解吓辣，食到我流曬汗🥵
滑牛肉分量都多，佢唔似一般茶餐廳做法用梳打粉去醃，所以夠牛味夠滑。
公仔麵係分開上，本身麵條未完全煮熟，放落熱辣辣嘅沙嗲汁後口感就啱啱好，軟硬適中又掛汁，食到雪雪聲！😝每食一啖個口腔都充斥沙嗲香，辣勁更逐層遞進，食到後段都有啲味覺麻痺同膩😂 淨係覺得好辣同好口渴！😗
餐廳推薦度：⭐️⭐️⭐️ (3/5)
沙嗲牛肉煲仔沾麵係幾有創意，但真係幾重口，可能係我食唔慣咁濃味🤭 價錢我就覺得偏貴🙊 自認係重口味人士都可以挑戰吓嘅，可能你會好鍾意都唔定！😂
Post
