相馬日式火鍋 (Closed)

天氣開始轉涼可以準備打邊爐啦，呢度既放題當然有唔同既野食，但佢地唔係任食既食物都不容忽視!蒸氣海鮮 新鮮既海鮮放係蒸爐慢慢咁蒸，扇貝，蜆肉，鮑魚，每款都鮮味無窮，加上用佐蒜蓉粉絲，味道更有層次更濃味，好掂呀!火鍋係呢度係任食既，有唔同既配料，一般既冬瓜，蕃茄，響玲呢啲都好味道，仲有唔同既海鮮， 水魷，東風螺，青口等，重點緊係夠新鮮，令到成個火鍋特別鮮味呀!羊腩煲都係任食，件件肉都大大件，骨唔大肉就多，其他腐竹馬蹄呢啲配料都好入味，任食真係可以放肆咁慢慢食！炸物同串燒呢度都有得食，又係任食，款式又係多到試唔晒，佢地既燒粟米但真係一定要試，粟 米好香甜，燒到有啲燶邊，脆脆地，勁香!