三代目

Open Now

Now Closed

呢到不論環境，食物，價錢同服務質素都好好，睇得出真係好有心去做而且唔係掠錢又唔飽既舖頭。即使係紙巾都特登用紅色去呼應整體裝修，未食已經被個氛圍吸引到。豚肉醬油魚介拌麵冇咩見過拌拉麵，賣相好靚而拉麵本身好煙韌，加上醬料份量岩岩好，食落唔口渴再加埋櫻花蝦，口感層次一流。一口燒牛肉丼相對平民既菜色但牛肉既生熟度控制得好好，唔會韌或者有筋，加上少少燒汁同珍珠米，食落都好滿足。牛之拼盤（一口牛，牛舌，牛肉蘆筍）叫呢個拼盤就真係好抵食，特別一口牛肉質感軟淋，牛味超濃。牛舌係爽口個種，加上牛肉蘆筍又冇咁油膩，幾鍾意呢個配搭。雞之拼盤（雞肉京蔥，雞胸軟骨，雞腎）呢個都幾好食同埋雞肉都仲juicy唔係乾哂！海之天婦羅唔同種類海鮮都食到，份量唔會太多太漏，炸醬都好輕身，好好食。火灸帶子，火灸牛一口壽司重點係脆卜卜既紫菜再加上火灸既配料，真係有日本食壽司既感覺。