金鶴拉麵 (利民大廈)

Open Now

Now Closed

原來金鶴拉面係旺角都開左! 幾方便喎。拉面種類都幾多，叫左最吸引我既極濃雞白湯拉面。之前試過普通雞白湯拉面，就想試試個分別! 見到個湯底係好奶白色，食落比較creamy，有泡，而且好重雞湯味，但唔會去到好漿住口既感覺。面質係幼面，可以掛到湯。雞肉有2大塊，唔會好多調味，叉燒係一大塊，感覺似係慢煮類，所以唔會好un。側邊仲有D牛旁絲，幾好既點綴。朋友叫左雞白湯既沾面，面質係粗身D，更易去掛湯。沾面湯唔算好杰，所以唔會好salty，令人有種食完又食既感覺! 另外見到佢呢期有新出既蠔湯底，感覺幾新鮮，下次有機會再試試佢! 餃子上台熱辣辣，幾好食。原來呢到除左堂食，仲可以有外賣自取，而且店員服務態度好好，係附近住既人都不彷試試!