Alzina Spanish Asador (Closed)

Item: Alzina Spanish Asador
Rating: 5
Author: happy_tummy

105 Reviews

Taste

Decor

Service

Hygiene

Value

1364

Tsim Sha Tsui

$201-400

Spanish

happy_tummy

Level4

215

剛剛過去嘅聖誕，想搵一間有氣氛嘅餐廳同摯愛去食一餐豐富又浪漫嘅聖誕大餐。朋友就介紹呢間位於尖沙咀漆咸道南嘅西班牙餐廳《Alzina Spainsh Asador》。呢間位於地舖嘅餐廳，裝修精緻，氣氛亦浪漫，牆上鋪滿咗西班牙土產之一「手繪瓷磚」，每一塊磚瓦都色彩繽紛，令人有一種暢快嘅感覺。而且餐廳嘅燈光亦都非常之柔和，加上輕快的音樂，令人輕易墮入浪漫氣氛之中。西班牙係一個熱情嘅國家，而《Alzina》嘅店員亦非常熱情，將餐廳嘅特色同埋概念，都分享畀我哋。Alzina 原來解作橡木Oak Tree，呢間餐廳以橡木為名，除咗因為橡木係西班牙代表神聖之外，佢地嘅木製烤爐都係用橡木黎造，烤出嚟嘅食物就更加有風味。由於係happy hour時間，啤酒買一送一，叫咗一杯西班牙Draught Beer【Mahou Lager】$68, 呢杯啤酒色澤金黃,清澈。第一口喝下爽口，麥味重，有獨特芳香。令人有大口喝下嘅衝動。喺餐前同朋友飲一杯啤酒傾下計，實屬暢快。食西班牙野，當然要食番幾個Tapas 先正宗。【加泰羅尼亞特色豬肝醬】$68 ，呢個豬肝醬食落好特別，豬肝醬採

Read full review

14 views

0 likes

0 comments

西班牙係一個熱情嘅國家，而《Alzina》嘅店員亦非常熱情，將餐廳嘅特色同埋概念，都分享畀我哋。Alzina 原來解作橡木Oak Tree，呢間餐廳以橡木為名，除咗因為橡木係西班牙代表神聖之外，佢地嘅木製烤爐都係用橡木黎造，烤出嚟嘅食物就更加有風味。
由於係happy hour時間，啤酒買一送一，叫咗一杯西班牙Draught Beer【Mahou Lager】$68, 呢杯啤酒色澤金黃,清澈。第一口喝下爽口，麥味重，有獨特芳香。令人有大口喝下嘅衝動。喺餐前同朋友飲一杯啤酒傾下計，實屬暢快。

食西班牙野，當然要食番幾個Tapas 先正宗。
【加泰羅尼亞特色豬肝醬】$68 ，呢個豬肝醬食落好特別，豬肝醬採用新鮮豬潤攪拌壓碎而成，所以不難吃到一粒粒的豬膶干，豬肝醬帶點粉，裏面混入各式香料，最適合就係配以蒜蓉包。香脆嘅麵包上面鋪滿豬肝醬，口感一流。喜歡食豬潤嘅朋友絕不能錯過。

【西班牙鱈魚蛋餅】 $68，鱈魚蛋餅煎成飽滿嘅圓形，上邊套著色彩繽紛嘅紅椒絲，以及惹味嘅蒜蓉醬，一食落口蛋味豐富，蛋餅多汁嫩滑，而且仲可以食到一絲絲嘅鱈魚肉，呢個Tapas絕對係一個老少咸宜嘅小食。

【脆炸和牛球薯蓉球】$45，此乃待應推介嘅小食，果然冇令人失望。薯蓉球被炸得金黃鬆脆，上面淋有garlic olive oil sauce，醬汁辣辣哋有啲煙薰味。一切開，馬上令人有驚喜。裏面嘅和牛面頰炆得非常之軟淋，而且牛肉味濃郁，炸薯蓉球同和牛面頰互相輝映，認真不錯。

【特選伊比利亞黑毛豬柳拼盤】$238，伊比利亞黑毛豬簡直有如西班牙嘅國寶，黑毛豬食橡果長大，肉質除咗嫩滑之外，亦冇平時豬嘅騷味。呢個拼盤係由餐廳特製嘅橡木烤爐炮製而成，實屬不可不試系列。呢個黑毛豬拼盤有幾個豬嘅部位, 每個部位都各有唔同嘅口感。呢三個部位大概係背脊、腩位、同埋豬肩肉，背脊位置較為煙韌，但肉味最濃厚，腩肉較為淋身，充滿油花，肩肉食落爽口，充滿肉香，三個部位都各有千秋，令人食唔停口，用來配襯啤酒就最適合不過。

食西班牙餐又點少得飲番杯Sangria，呢度嘅Sangria有成六款選擇咁多。呢度嘅Sangria係我飲過最好味嘅，同朋友分享最適合就係叫一Jar，假如想試多幾個款式亦都可以選擇一杯。
【Classic Sangria 】$88， Classic sangria 用紅酒作主，加上Brandy，同橙汁調配。個人覺得Classic最好飲，酒美濃得黎亦非常之容易入口，果味芬香濃郁，裏面有大量新鮮嘅生果，無論係提子、蘋果、抑或係檸檬，每種生果都非常甜美，飲落非常之清新。