伍仔記

Open Now

Now Closed

到大埔探朋友，他帶我去熟食街市中心2樓的五仔記，佢話我知呢度嘅小菜有鑊氣得嚟，味道濃淡適中，於是一齊去試吓招牌魚湯浸菜心，菜心削去多渣嘅部份，食落條條嫩口豉椒炒蜆，蜆肉冇沙，抽得好夠鑊氣同火候，特別嘅地方係個芡汁一啲都唔濃，但係又好惹味，如果唔係因為要減肥，一定係叫一碗白飯撈住食就最好！侍應推介嘅蠔仔腐皮卷，係佢哋嘅招牌菜之一，餡料有蠔仔有少少肉碎，腐皮炸得脆而不膩，上枱嘅時候係非常之香，咬落口聲音清脆，餡料嘅份量配合得好總括嚟講，幾個小菜簡單而做得有心機，抵讚！