段純貞X日出茶太 (The Johnston)

Open Now

Now Closed

段純貞牛肉麵之前食過兩次，一次係銅鑼灣，一次係荃灣，今次見到灣仔開左新分店，外觀靚，樓底高，空間感大，一直心思思想去。今次我揀左犇牛四寶麵，裡面有牛腱、牛筋、牛肚同嫰五花，料好足，好入味，湯好濃，材料本身也不錯，牛味重；另外麵可以揀手工麵或者細麵，由於好耐無食手工麵，二話不說就點了這個，麵條闊闊的，一條條唔算太分明，有啲痴埋左一齊。朋友就叫左紅燒腱心半筋半肉牛肉麵，佢就喜歡細麵，我地share 左啲，細麵感覺更好，好掛湯，一口一口好快就食晒。我地仲叫左個慢煮無骨口水雞，可能慢煮既關係個雞有啲硬，味道就正正常常，是我喜歡的麻辣汁。呢間分店連埋一間手搖飲品店，食台灣野飲珍珠奶茶就最好不過，我叫左招牌珍奶加仙草，朋友就叫左草莓歐蕾。味道不錯，不會太假也不會太甜。