和拉麵

Open Now

Now Closed

從人來人往，熙熙攘攘的大埔墟街市及熟食中心來到『和拉麵』只不過係短短2、3分鐘時間，但已經係來到一個充满寧靜及平和的世界。淨係睇呢張相，你會不知不覺以為自己來到日本，處身於某個小巷仔的日式小店，哈哈，幾有想像力。入到來，待應熱情哋用日文打招呯：いらしゃいませ，跟住好快递上杯溫水，及餐牌，並且會介紹今日有咩推介，態度殷勤有禮，值得一讚。湯底就有三種選擇，分別係原味，辛辣及味噌。午餐超抵吃，一set 80蚊起。我今日係1個人吃，叫咗個味噌豚骨拉麵+章魚小丸子+可樂，湯底由香滑轉特濃加8蚊，香滑湯底都要由上等豚骨熬制十個鐘而成，而特濃更誇張，用了比香滑湯底更多的上等豚骨，材料及時間熬制。濃而香的湯底同埋拉麵，令你犹如置身日本博多……流心蛋章魚小丸子未上枱已經傳來陣陣香味，好大的誘惑。埋單唔使一百蚊，好满足。