京都抹茶屋 (Closed)

呢間餐廳既餐牌好少會有咩變動，無論係假日定平日，餐牌上面既選擇都幾乎係一模一樣，分別只係在於價錢，80幾蚊既餐就會變左100幾蚊，仲冇埋杯餐飲添，變得唔係幾抵，建議平日去食會好啲。平日黎呢到唔使點等位，一般黎講等幾分鐘就入得。今次嗌左8號餐，溫泉蛋壽喜牛肉鍋定食，餐飲用半價換左做草莓雪糕奶昔，大概加$10幾蚊啦。岩岩上檯既時候啲牛肉都未熟哂，浸多一一陣先食就岩岩好，唔會太老亦唔怕會太生。鍋入面既配料都好多，例如有：金菇，粉絲，冬菇，娃娃菜。我習慣將隻溫泉蛋撈落啲飯到，撈埋啲頭，有啲似細個食湯撈飯咁，食落好香 好好味，因為湯底夠濃郁。而杯草莓奶昔就好足份量，上面既雪糕係用北海道3.6牛乳做既，成杯有一半都係雪糕，當甜品食都冇問題。環境方面呢，呢間鋪係用左開放式設計，鋪仔細細但唔會好迫，座位都闊，啲凳係梳化凳所以坐得好舒服。