Video
Read full review
2023-12-28
222 views
中環歌賦街一向係不同麵店嘅兵家必爭之地⚔️係云云人氣港式、日式麵店之中，最近就新嚟一間海鮮湯麵小店參與呢個戰場。魚蝦蟹顧名思義，主打用魚🐟蝦🦐蟹🦀熬湯嘅湯麵，標榜用海鮮長時間熬煮，不添加味精，可以食到海鮮最新鮮嘅味道。店面走小清新風格，牆上嘅魚蝦蟹掛畫好得意😆特大海蝦配招牌鮮濃蝦湯麵（配溏心蛋）好豐盛嘅湯麵🤩蝦湯味道好香，濃度適中，飲落順喉，仲見到唔少蝦頭油👍🏻👍🏻海蝦可能係我食過最大隻🤣🤣超級厚肉鮮甜，而且極之彈牙。麵條好掛湯。配料有鮮嫩魚肉、唔少木耳同粟米，仲有糖心蛋。我嘅私藏食法係先咬開隻蛋，再倒啲湯汁落蛋黃，食嘅時候溏心蛋黃滲出香濃蝦湯💦正😏😏套餐（開胃前菜2款、是日炒菜／炸物、精選鮮果、罐裝飲品）加$20就有超級豐盛嘅配菜同飲品，連水果都有👏🏻👏🏻漬番茄酸酸甜甜好juicy，食食下湯麵再食粒番茄幾正😋炸蝦幾大隻，炸皮好酥脆。最後仲可以食埋飯後果，營養均衡😛蝦汁燒賣作為燒賣控嘅我好喜歡呢個特別版燒賣😋將蝦湯再熬成更濃郁嘅蝦汁，鮮味濃郁，配魚味突出且特別彈牙嘅燒賣、沙律醬以及蝦片碎，味道複雜得嚟又幾夾😚人均消費：$190推介指數（10分為滿分）：8分
特大海蝦配招牌鮮濃蝦湯麵（配溏心蛋）
好豐盛嘅湯麵🤩蝦湯味道好香，濃度適中，飲落順喉，仲見到唔少蝦頭油👍🏻👍🏻海蝦可能係我食過最大隻🤣🤣超級厚肉鮮甜，而且極之彈牙。麵條好掛湯。配料有鮮嫩魚肉、唔少木耳同粟米，仲有糖心蛋。我嘅私藏食法係先咬開隻蛋，再倒啲湯汁落蛋黃，食嘅時候溏心蛋黃滲出香濃蝦湯💦正😏😏
套餐（開胃前菜2款、是日炒菜／炸物、精選鮮果、罐裝飲品）
加$20就有超級豐盛嘅配菜同飲品，連水果都有👏🏻👏🏻漬番茄酸酸甜甜好juicy，食食下湯麵再食粒番茄幾正😋炸蝦幾大隻，炸皮好酥脆。最後仲可以食埋飯後果，營養均衡😛
蝦汁燒賣
作為燒賣控嘅我好喜歡呢個特別版燒賣😋將蝦湯再熬成更濃郁嘅蝦汁，鮮味濃郁，配魚味突出且特別彈牙嘅燒賣、沙律醬以及蝦片碎，味道複雜得嚟又幾夾😚
人均消費：$190
推介指數（10分為滿分）：8分
Post
