Video
Read full review
2022-11-13
413 views
熊貓烘焙📍灣仔灣仔道234號鴻業大廈地下E2號舖好耐之前有一次碌ig見到有個page介紹灣仔有賣一啲好高身嘅蛋撻，同佢提過想試，但之前都無機會去嗰邊，所以一直無機會食。有一次朋友返晏，佢記得我之前講過想食，特登搵路帶我去買呢間熊貓烘焙嘅撻，真係超驚喜！一嚟係無諗過佢會記得，二嚟係咁啱去到就撞正快出爐嘅時間，唔洗排隊超lucky！ 💰$16陽光牛奶撻 🥛🥧一般新鮮出爐嘅蛋撻熱辣辣，已經夠晒好味，而呢間餅店賣嘅高身蛋撻足足有6cm咁高，直頭係將食蛋撻嘅滋味乘大幾倍！好好彩嘅係我哋嚟到啲撻剛出爐，熱到連店員都無辦法即刻脫模，所以我哋坐咗喺舖頭等咗陣。到食到嘅時候，我哋發現佢個皮好特別，外面係好香脆，但裏面有少少濕潤，有啲似軟身曲奇咁，牛油味好香！蛋漿好多但味道無咩特別，雖然都好滑身，但食唔到牛奶味，而即使撻面睇落有啲焦香感，但唔似葡撻咁濃味，感覺仲比一般食到嘅蛋撻餡淡。總括而言，個撻外型夠晒gimmick，但兩個人share一隻都有少少漏，而味道都係普通，比較突出嘅係牛油撻皮，食嘅時候唔會散哂，都值得一試嘅！ 💰$36德式檸檬撻 🍋🥧呢個檸檬撻有4.5寸咁大，呢個價錢真係好抵食！其實佢同陽光
📍灣仔灣仔道234號鴻業大廈地下E2號舖
好耐之前有一次碌ig見到有個page介紹灣仔有賣一啲好高身嘅蛋撻，同佢提過想試，但之前都無機會去嗰邊，所以一直無機會食。有一次朋友返晏，佢記得我之前講過想食，特登搵路帶我去買呢間熊貓烘焙嘅撻，真係超驚喜！一嚟係無諗過佢會記得，二嚟係咁啱去到就撞正快出爐嘅時間，唔洗排隊超lucky！
[價錢 Price]
💰$16
陽光牛奶撻 🥛🥧
一般新鮮出爐嘅蛋撻熱辣辣，已經夠晒好味，而呢間餅店賣嘅高身蛋撻足足有6cm咁高，直頭係將食蛋撻嘅滋味乘大幾倍！好好彩嘅係我哋嚟到啲撻剛出爐，熱到連店員都無辦法即刻脫模，所以我哋坐咗喺舖頭等咗陣。到食到嘅時候，我哋發現佢個皮好特別，外面係好香脆，但裏面有少少濕潤，有啲似軟身曲奇咁，牛油味好香！蛋漿好多但味道無咩特別，雖然都好滑身，但食唔到牛奶味，而即使撻面睇落有啲焦香感，但唔似葡撻咁濃味，感覺仲比一般食到嘅蛋撻餡淡。總括而言，個撻外型夠晒gimmick，但兩個人share一隻都有少少漏，而味道都係普通，比較突出嘅係牛油撻皮，食嘅時候唔會散哂，都值得一試嘅！
[價錢 Price]
💰$36
德式檸檬撻 🍋🥧
呢個檸檬撻有4.5寸咁大，呢個價錢真係好抵食！其實佢同陽光撻嘅材料應該大同小異，但多咗一陣淡淡嘅檸檬味，比較清新。可能因為我哋買咗一出爐就入盒嘅撻，即使盒身有排氣孔，個盒嘅倒汗水都令個撻皮同面濕咗啲，影響食感。強烈建議大家撻凍啲先食，放入雪櫃雪下再食會更好味！
題外話，就係店員們都好親切，佢哋戴住熊貓頭飾幾可愛㗎，笑容可掬，而且大部份食品價錢都貼地，大家有經過附近，記得要幫襯下佢哋！
Post
