Video
Read full review
2022-09-30
51 views
今日嚟到灣仔食川菜，呢間網上嘅評語好好，平日嘅夜晚都爆晒！基本上每一台都會叫酸菜魚同埋糍粑，咁我梗係唔執輸跟佢哋叫一樣啦！總括而言份量好多，價錢又親民，味道ok，唔會太辣，都適合香港人嘅口味！同埋真係有好多內地人去食，應該都算好正宗？個茶係菊花普洱？菊花味好香濃好出，一啲都唔會苦澀，感覺好清熱解毒！沖咗好幾轉都仲係好香好龍尾真係加分嘅！🍴川香闆招牌老團酸菜魚 鱸魚 小份 $238 (8/10)酸菜魚片都幾多，魚片切得比較薄身，都幾滑有魚味同鮮味，但魚肉嘅質地比較鬆散，個湯每日新鮮煲魚湯，真係飲到有鮮味嘅，味道係偏酸，唔會太辣，但係好輕微嘅麻，食唔到好辣嘅人都食到，酸蘿蔔酸菜都夠酸，比較偏淋。冇額外加配菜都有雞髀菇，如果加錢要薯粉仲有買一送一優惠，真係夠晒兩三個人食，呢個價錢呢個質素都好抵食好唔錯！🍴辣子孜然香脆羊肉 $128 (7/10) 份量好足，羊肉炸到好香脆，炸得比較乾身，肉質唔鞋口，有羊肉嘅臊味，唔知點解食落甜甜地？雖然好多辣椒，但未去到好辣，屬於小辣，好香辣椒孜然嘅味道。🍴沙坪壩水煮牛肉 $138 (7/10)份量非常之足！水煮嘅味道屬於香辣麻香，但真係唔會好辣。配料都好多，
個茶係菊花普洱？菊花味好香濃好出，一啲都唔會苦澀，感覺好清熱解毒！沖咗好幾轉都仲係好香好龍尾真係加分嘅！
🍴川香闆招牌老團酸菜魚 鱸魚 小份 $238 (8/10)
酸菜魚片都幾多，魚片切得比較薄身，都幾滑有魚味同鮮味，但魚肉嘅質地比較鬆散，個湯每日新鮮煲魚湯，真係飲到有鮮味嘅，味道係偏酸，唔會太辣，但係好輕微嘅麻，食唔到好辣嘅人都食到，酸蘿蔔酸菜都夠酸，比較偏淋。冇額外加配菜都有雞髀菇，如果加錢要薯粉仲有買一送一優惠，真係夠晒兩三個人食，呢個價錢呢個質素都好抵食好唔錯！
🍴辣子孜然香脆羊肉 $128 (7/10)
份量好足，羊肉炸到好香脆，炸得比較乾身，肉質唔鞋口，有羊肉嘅臊味，唔知點解食落甜甜地？雖然好多辣椒，但未去到好辣，屬於小辣，好香辣椒孜然嘅味道。
🍴沙坪壩水煮牛肉 $138 (7/10)
份量非常之足！水煮嘅味道屬於香辣麻香，但真係唔會好辣。配料都好多，好豐富，有油麥菜青瓜薯粉，牛肉都幾大塊，係似滑牛嗰一種，質地比較有口感。薯粉好淋好掛汁，青瓜同油麥菜都好爽口。
🍴家鄉自家製紅糖糍粑 $38 (7.5/10)
有8塊咁多！紅糖糍粑炸到好香脆，入邊係煙靭嘅糯米，幾香有啲似煎堆！加埋甜甜地嘅紅糖真係幾唔錯！
🍴四川冰粉 $28 (7/10)
冰粉好似凍凍地嘅涼粉咁，上面有桂花糖都幾香，唔會太甜，同埋真係解到辣，食完去到個位胃度啲辣味就冇晒，同埋唔會再好㷫👍🏻
推薦指數: 7/10
價錢貼地親民，味道唔錯，份量又多足料，係灣仔呢個價錢呢個質素真係算唔錯啦，如果係灣仔想食川菜都可以試吓嘅。
Post
