燉 (協成行灣仔中心) (Closed)

之前試過餐廳在北角的分店，感覺不俗，可以話係平靚正。今次嚟到灣仔做嘢，順便約朋友食個健康午餐，朋友第一次食都覺得唔錯。我哋十二點到，剛剛開門不久，已經好多客，多是附近的上班一族，晏少少仲大排長龍添。我哋每人揀咗一款湯配一個蒸飯，69蚊就有一套。我選擇的係猴頭菇無花果螺片燉瘦肉，以燉盅上，原汁原味。湯裡有好多材料，味道濃香。至於個魚肚滑雞飯，滑雞唔會過老，真係做到幾滑。有飯有湯，食完都非常飽。呢度環境仲比起之前去過嘅北角分店寬敞，裝修明亮。