Video
Read full review
2016-05-31
266 views
今晚收工去左灣仔等埋老公大人，佢未收工我去左駱克道圖書館睇書，咁上下佢話係大有，行到過去肚餓啦！周圍搵食~行入灣仔道離遠見到好大個牌寫住"家賀屋"，見到易拉架啲Set都唔貴，於是上1樓搵食啦！去到見到門口有張藍鰭准許證，即係呢間既吞拿魚應該OK喎！坐低唔使諗即刻叫左客"特選鮪盛"。特選鮪盛有大吞拿腩2件，中吞魚腩2件，吞拿魚2件。當然試左靚野先，大吞拿魚腩絕對係厚切，呈少少粉紅色，魚肉好香，油脂分佈平均，入口即融，一咬就甩，吞拿魚肉十分柔軟。中吞拿魚腩呈暗紅色，肉質都好嫩，但唔夠大吞拿魚腩咁滑。最後係普通吞拿魚腩，呈血紅色，質感似一般放題吞拿魚，肉質唔太滑，需要時間咀嚼，有咬感，味道有dd苦，唔夠大同中吞拿魚腩咁鮮味。火灸鰻魚玉子: 其實係燒玉子入面包住少少鰻魚，火灸既感覺就無乜，可能因為個面唔燶，玉子幾結實，唔鬆散，而且幾甜，同鰻魚少少咸既味道幾夾，$35就有三件啦！雞軟骨餃子: 賣相唔似餃子，因為係長條型，望落去似炸腐皮卷XD，雞軟骨唔係好食到，咬落都係似一般餃子餡，但係都幾油，一人兩隻夠晒了。什錦魚生丼: 價錢一d都唔貴，碗飯都幾大碗，刺身有𩶘魚，三文魚，吞拿魚，蟹籽。蟹籽份量中
去到見到門口有張藍鰭准許證，即係呢間既吞拿魚應該OK喎！坐低唔使諗即刻叫左客"特選鮪盛"。
特選鮪盛有大吞拿腩2件，中吞魚腩2件，吞拿魚2件。當然試左靚野先，大吞拿魚腩絕對係厚切，呈少少粉紅色，魚肉好香，油脂分佈平均，入口即融，一咬就甩，吞拿魚肉十分柔軟。中吞拿魚腩呈暗紅色，肉質都好嫩，但唔夠大吞拿魚腩咁滑。最後係普通吞拿魚腩，呈血紅色，質感似一般放題吞拿魚，肉質唔太滑，需要時間咀嚼，有咬感，味道有dd苦，唔夠大同中吞拿魚腩咁鮮味。
火灸鰻魚玉子: 其實係燒玉子入面包住少少鰻魚，火灸既感覺就無乜，可能因為個面唔燶，玉子幾結實，唔鬆散，而且幾甜，同鰻魚少少咸既味道幾夾，$35就有三件啦！
雞軟骨餃子: 賣相唔似餃子，因為係長條型，望落去似炸腐皮卷XD，雞軟骨唔係好食到，咬落都係似一般餃子餡，但係都幾油，一人兩隻夠晒了。
什錦魚生丼: 價錢一d都唔貴，碗飯都幾大碗，刺身有𩶘魚，三文魚，吞拿魚，蟹籽。蟹籽份量中規中矩，如果可以多啲會更好味，𩶘魚，三文魚，吞拿魚都係角切，一啖飯已經撈亂一齊食啦！魚生都好新鮮鮮味。我城食食下發現枱面除左刺身豉油之外仲有枝櫻花汁，細問之下原來係用黎食壽司飯，加左啲落飯度食，甜甜地，但只會少甜，唔似壽司豉油咁甜同帶d咸味。
和風咖哩飯配吉烈豬扒定食: 呢個本身已經係定食啦，一個飯仲包埋沙律同麵豉湯。麵豉湯我搞下搞下以為好稀，點知飲落又幾濃味，但豆腐粒少左d同埋唔係幾夠熱。吉烈豬扒炸得好香口，粉唔多，炸到外層好脆，入面既豬扒就好鬆軟仲零豬味tim！
食完咁多野以為會飽，點知係未既XD，見到餐牌有d壽司$10件，嗌左幾件試先！(真係幾件？)日本帆立貝軟林林，帆立貝肉啲肉好結實，厚厚地，好爽口，而且甜得黎唔澀。三文魚腩肥美又鮮味。油甘魚呈白紅色，片片薄切，有d甘甜味。七味燒鯖魚:只有dd酸酸既味道，容易入口，所有壽司都好味，絕對唔係$3件嗰d水準，抵食！
海條海鰻壽司: 見到餐牌，$26唔貴呀，以前係板X食過都好貴，海鰻質感始終都差過鰻魚，呢度既海鰻好長，起碼有廿幾CM，同舊壽司差好遠XD，鰻魚汁分濃郁，海鰻整條無骨，軟身好易咬，恐怕如果係鰻魚就唔係呢個價錢啦！
今晚好滿足，下次要再黎，試下d清酒，今晚..真係連聽晚既Quota都食埋啦！
Post
