凱旋餐室

Open Now

Now Closed

喺修頓打完籃球同啲朋友去附近食晚餐！就搵到呢一間凱旋餐室 朋友話之前試過都幾好食，我哋三個人就去叫餸食飯 我哋前後叫咗三個餸，分別係京都排骨，蒜香蔥油雞同埋豉椒炒聖子！京都排骨份量都幾多，有七至八件，酸酸地嘅味道配搭排骨，非常唔錯豬扒肉質亦都非常嫩，唔會有太鞋嘅感覺，送飯一流 蒜香蔥油雞就大約有半隻雞，再加埋乾蒜喺個面度！雞肉都非常林，再配上佢嘅豉油醬汁，整個配搭上都做得唔錯 最後豉椒炒蟶子係我哋覺得最好食，聖子每一隻都非常煙靭，食得出新鮮嘅感覺，再加埋洋蔥粒同埋辣椒食，口感非常好 埋單，每人$81。