上海弄堂菜肉餛飩 (Closed)

年近歲晚，公司忙到不得了，午餐原本諗住出街歎返杯咖啡，無奈朝早趕唔完手頭上o既工作，最終只好叫外賣，為求速戰速決。最近街口新開咗間「上海弄堂菜肉餛飩」，主打菜式勁啱最愛食餃子餛飩o既XO仔口味，所以唔洗多諗就決定試新野。門面招牌o既紅紙仍未拆封，新店應該仲試緊業。玻璃窗上貼出中英對照o既彩頁餐牌，方便等位o既食客參考。小肥因已手持外賣紙，十二點半就打定電話落單，玩外賣自取。「上海弄堂菜肉餛飩」雖則只係試業階段，不過一點未到經已坐滿客人，似乎都幾受歡迎；由於餐店樓底極高，滿座都唔算好嘈。溫文友善o既靚女服務生效率極高，唔洗兩分鐘就已經包裝好食物，離開前仲帶著微笑叫細佬慢慢欣賞，真係未食個心都甜哂！外賣紙盒印有一雙情心款款對望中o既小鳥，實在精緻得好詩情畫意。餛飩同湯分開包，衛生得黎好有飲食文化。菜肉餛飩（$47/八隻）：外表堅挺o既菜肉餛飩粒粒都咁大隻，皮層厚薄適中，餡料香濃鮮脆，一個人食八隻真係唔係幾夠喉；嘻嘻，睇黎下次可以打孖上。小籠包（$36/四隻）：外賣小籠包雖然一定唔及堂食咁新鮮滾熱辣，不過返上公司食時都要睇熱。小籠包皮薄柔軟，肉餡幼嫩軟滑，湯汁甜美豐盛，食完四隻都唔覺溜，感覺