川亭 (聯發街)

Open Now

Now Closed

前排去咗灣仔利東街，就簡咗附近一間街坊小店試下，餐廳主要食四川菜。雖然天氣好熱，但餐廳有涼麵可以食，同埋菜式都可以簡辣度; 就算食唔到辣，都可以要求餐廳走或少辣，我嘅朋友唔係好食得辣都照食到。🍜 川亭口水雞涼麵 加配套餐 [🧄手拍青瓜(蒜泥) + 🍵無糖烏龍茶] 口水雞嘅份量非常多，肉質嫩滑，雖然好似落咗好多辣椒油，但味道一啲都唔辣。涼麵嘅份量非常多，仲配咗好多青瓜絲，非常清爽，而醬汁味道偏酸，非常開胃。我同朋友都加配咗套餐，包一份小食同飲品，小食就簡咗蒜泥青瓜，青瓜吸收哂蒜香味，好岩鐘意食蒜嘅朋友。🍜紅燒腩肉麵 加配套餐 [🥬生菜 + 🍵無糖普洱茶] 腩肉肥瘦適中，都炆到好淋; 湯麵有得選擇唔同嘅湯底，最尾就簡咗酸辣湯底走辣，職員話如果食食下想要啲辣，可以自己額外再加，非常貼心; 生菜份量都幾多，仲有啲鼓油淋咗喺菜嘅面上。