Video
Read full review
2022-11-15
109 views
收工約朋友食大餐，嚟到位於灣仔修頓附近嘅西餐廳。一入門口就見到一條好長嘅白色樓梯，左右兩邊係以黑白色為主調嘅畫作，成間餐廳嘅牆壁都搵咗大學生去設計同繪畫，打卡就啱晒。前菜主菜加$38會有餐湯、沙律，同埋飲品。今日嘅餐湯係南瓜湯，有少少果蓉係入面，非常美味。沙律好大碗，夠晒清新。慢焗美國安格斯牛胸肋骨牛胸肋骨好軟腍入味，而且唔會太韌。配菜分別有焗薯仔、西蘭花、蕃茄等等，非常豐富。照燒比目魚柳伴香草蕃茄賣相好靚，有三件魚柳同埋薯蓉、西蘭花等配料。比目魚柳嘅魚皮煎得好香脆，仲有少少醬汁喺上面，肉質幾鮮嫩。食嘅時候要小心入面啲魚骨，但基本上都好容易挑得開。⛩ 富士芝櫻祭。丸久小山園抹茶Tiramisu無論主菜食乜，都一定要試吓佢哋嘅甜品。富士山上半部份用咗mascarpone cheese，唔會太甜而且幾香，下面係抹茶moose，食到中間仲有浸到好濕潤嘅手指餅，富士山嘅外圍以crumble圍住，賣相好靚之餘，食落亦唔會太甜。🍄 Moomin World呢個大蘑菇好可愛！其實係一個酸酸甜甜嘅草莓甜品，紅色嘅蘑菇係一個脆皮朱古力，扑碎後，入面係草莓moose 包住少少海綿蛋糕，三樣嘢一齊食，味道非
前菜
主菜加$38會有餐湯、沙律，同埋飲品。今日嘅餐湯係南瓜湯，有少少果蓉係入面，非常美味。沙律好大碗，夠晒清新。
慢焗美國安格斯牛胸肋骨
牛胸肋骨好軟腍入味，而且唔會太韌。配菜分別有焗薯仔、西蘭花、蕃茄等等，非常豐富。
照燒比目魚柳伴香草蕃茄
賣相好靚，有三件魚柳同埋薯蓉、西蘭花等配料。比目魚柳嘅魚皮煎得好香脆，仲有少少醬汁喺上面，肉質幾鮮嫩。食嘅時候要小心入面啲魚骨，但基本上都好容易挑得開。
⛩ 富士芝櫻祭。丸久小山園抹茶Tiramisu
無論主菜食乜，都一定要試吓佢哋嘅甜品。富士山上半部份用咗mascarpone cheese，唔會太甜而且幾香，下面係抹茶moose，食到中間仲有浸到好濕潤嘅手指餅，富士山嘅外圍以crumble圍住，賣相好靚之餘，食落亦唔會太甜。
富士芝櫻祭。丸久小山園抹茶Tiramisu
7 views
0 likes
0 comments
🍄 Moomin World
呢個大蘑菇好可愛！其實係一個酸酸甜甜嘅草莓甜品，紅色嘅蘑菇係一個脆皮朱古力，扑碎後，入面係草莓moose 包住少少海綿蛋糕，三樣嘢一齊食，味道非常之夾。下面個蘑菇柄同樣脆皮朱古力，不過就包住乳酪同埋酸酸地嘅草莓果蓉。crumble上面亦放咗raspberry同藍莓等，成件事充滿森林嘅氣息😍
Moomin World
22 views
0 likes
0 comments
Tiramisu Coffee
杯嘅側邊有粒粒朱古力，奶同啡嘅比例啱啱好，好有層次。
Tiramisu Coffee
7 views
0 likes
0 comments
Virgin Peach Mojito
好fresh嘅一杯冰爽mocktail，薄荷葉嘅味道好突出，同青檸嘅味道真係好夾。
Virgin Peach Mojito
10 views
0 likes
0 comments
Post
