標記雲吞麵

Open Now

Now Closed

今日喺灣仔呢一邊睇完醫生，諗住喺附近食啲平平哋嘅嘢，就見到呢一間標記雲吞麵，我見呢一間舖頭都係灣仔屹立咗好多年 今日就決定入去試吓佢單拼只係$24，如果雙拼就再加$8！我今日就揀咗雲吞牛腩米粉等咗大概3分鐘就到，賣相睇落都幾靚仔，而且份量都非常十足，以呢個價錢嚟講都算幾抵食 雲吞有三大粒，牛腩都有六七件，雲吞嚟講每一粒都非常飽滿，調味亦都唔會好鹹，入邊仲有鮮蝦！每一隻都非常爽口彈牙，亦都明白點解呢一間係主打雲吞麵，雲吞真係做得唔錯 牛腩都炆得好入味，唔會有太硬柴柴嘅感覺！總括嚟講都非常好食，最後$32埋單！真係好抵食！