Latter Cafe

Open Now

Now Closed

Latter Cafe灣仔謝斐道151-153號金星大廈地下E號舖經開灣仔，老友想飲靚啡食西餐，帶咗我去 Latter Cafe，環境夠Chill，食材高質，正呀喂！😽香煎帶子明太子扁意粉🍝大廚即叫即製，珍寶帶子、洋蔥和菇類爽口彈牙，鮮味十足，明太子鹹度適中，先試原味醬汁，吃到中段將明太子撈勻提升層次，好惹味，推薦！🤤鮮蝦牛油果醬酸種麵包🥑酸種麵包外層香脆，內層煙韌，鮮蝦配香甜的香草醬汁，好開胃，另外一塊麵包佈滿了香濃的牛油果，可以加開心果碎和檸檬汁，效果更佳。😍焦糖香蕉咖啡🍌新鮮的香蕉，香甜的焦糖，香滑的鮮奶，香濃的咖啡，自家拼咖啡豆，有花香、櫻桃和波特酒香味，將所有配料攪勻，好有層次，必試！😻士多啤梨奶油抹茶🍓面層有士多啤梨曲奇，我選擇了全脂奶+少甜，調配得恰到好處，甜度適中夠creamy，飲完好舒暢。😋Latter 原味巴斯克芝士蛋糕🍰大廚加了無花果脆脆和糖霜提升層次，香氣四溢，蛋糕鬆軟，入口即溶，巴斯克芝士醬又香又滑，喜愛甜品的朋友不能錯過。😘Latter Cafe 環境夠Chill，食材新鮮，侍應服務態度好，充滿活力，還會再來。😎🤘🏻