JOM

Open Now

Now Closed

JOM📍灣仔大王東街7號銳興樓地下A號舖轉咗新環境工作後，同grade嘅同事都好友善，主動約我一齊食lunch。灣仔lunch hour人頭湧湧，幾乎每一間餐廳都排晒隊。好彩我哋早有準備，提早一日book定位，先可以唔使排隊就有得食。同事精選咗3間餐廳俾我揀，一間粵菜、一間西餐，最後我揀咗呢間裝修簡約嘅文青風新加坡餐廳。JOM主打懷舊新加坡菜，提供多款自家製特色醬料，環境的確舒適，而且service幾好，食物望落都吸引，但可惜性價比太低，相信未必會回頭幫襯。 💰$98海南雞飯 🐓Hainanese Chicken Rice呢排食得清淡同健康咗，所以無叫到辣死你媽椰漿飯拼炸雞，選擇作比較清新嘅海南雞飯。一上檯嘅時候，而其有少少心知不妙，因為佢嘅份量好細，連我呢啲細胃王都擔心食完唔夠飽。平心而論，個飯嘅賣相其實唔差，雞嘅份量都唔算少，但最大問題係佢整體無咩味，主要要靠辣汁、黑豉油同薑蓉調味。自家製嘅醬汁的確係幾好食，而且調味適中，唔會死鹹死辣，不過如果俾接近$100食啲汁，好似又講唔通喎。佢嘅油飯同雞都無香味，飯量應該得平時嘅一半，雞肉好滑但多皮下脂肪，而且少少雞味都無，確實係有少少失望。