尚夢・茳煳 (Closed)

星期六晚唔想煮飯，同小魔怪係屋企附近搵野食，平時送小魔怪返興趣班成日都經過呢間尚夢茳煳，餐廳裝修後以全新形象示人，環境更舒適，座位更舒服，冷氣更充足，洗手間更雅緻，冬日限定皇牌推介有紅燒牛臉肉，外脆內軟，震撼味蕾🥰🥰🥰🌟海底椰雪梨燉赤肉湯做左媽媽之後有咩都係以小魔怪為先，煲湯都係以滋潤為主，所以我地叫左個燉湯，海底椰燉雪梨有滋陰潤肺既作用，呢啲天氣飲就最適合啦😍😍😍🌟美極香煎龍躉球 推介大家必點呢個香煎龍躉球，一客六件啖啖肉唔會有骨，魚味濃郁又夠新鮮，正💯🌟石榴果乾糖醋咕嚕肉 中菜我最鐘意食既就係咕嚕肉，加入石榴肉同菠蘿做配料，酸酸甜甜夠開胃👍🏻👍🏻👍🏻🌟茳煳炒飯小魔怪最鐘意食炒飯，我地就叫左餐廳既招牌菜茳煳炒飯，加左甜甜地既提子乾同鹹蛋黃粒，口感層次非常豐富😋😋最後店員送上奶黃糯米糍做甜品，為呢餐飯畫上完美既句號😚