Video
Read full review
2023-03-08
6461 views
灣仔最愛飯堂級泰北菜🇹🇭Samsen 泰麵📍灣仔石水渠街68號地下➰好歌推介「見或不見，亦很掛念，你在心裹，亦於面前」#見或不見 #張敬軒➰每隔一段時間想食泰國野，心裹面都不期然得依間長期榜首嘅泰麵，雖然有時要排上數十分鐘，但所有食物出品都係一流水準。.餐廳有上環及灣仔分店，兩間各有特色，灣仔依邊主打和牛船麵聞名，上環分店菜式.及甜品更多種類，餐廳多年來榮獲米芝蓮推薦，人氣不減。.餐廳裝修以街頭風格，開放式餐廳及廚房設計用盡餐廳格局，務求放置更多座位，因此我唔太推薦嚟依間餐廳漫漫長談，但大排檔式嘅熱鬧氣氛亦係另類風情。✥小食𖥕炸豬頸肉配烤蕃茄辣醬 💲88 ⭐️4/5⭐️本身一直都會叫蟹肉奄列，但由於午市並無供應，所以叫左依道。炸豬頸肉並非我地平時食開嘅切片，而係豬肉條狀，配搭炸蒜調味入口更滋味，豬頸肉有咬口，但略嫌少少偏乾，整體上都唔錯。✥主食𖥕招牌泰式蟹肉炒飯 💲158 ⭐️4.35/5⭐️嚟親依度，我都會推薦朋友叫兩款主食，雖然都係澱粉，但係全部都係即點即炒，非常有鑊氣，蟹肉炒飯上枱看似平平無奇，但飯粒乾爽粒粒分明，火喉掌握非常有水準，其次係蟹肉份量豐富，每啖都食到一梳梳嘅蟹肉，非常滿足
Samsen 泰麵
📍灣仔石水渠街68號地下
➰好歌推介
「見或不見，亦很掛念，你在心裹，亦於面前」
#見或不見 #張敬軒
➰
每隔一段時間想食泰國野，心裹面都不期然得依間長期榜首嘅泰麵，雖然有時要排上數十分鐘，但所有食物出品都係一流水準。
.
餐廳有上環及灣仔分店，兩間各有特色，灣仔依邊主打和牛船麵聞名，上環分店菜式.及甜品更多種類，餐廳多年來榮獲米芝蓮推薦，人氣不減。
.
餐廳裝修以街頭風格，開放式餐廳及廚房設計用盡餐廳格局，務求放置更多座位，因此我唔太推薦嚟依間餐廳漫漫長談，但大排檔式嘅熱鬧氣氛亦係另類風情。
✥小食
𖥕炸豬頸肉配烤蕃茄辣醬 💲88 ⭐️4/5⭐️
本身一直都會叫蟹肉奄列，但由於午市並無供應，所以叫左依道。炸豬頸肉並非我地平時食開嘅切片，而係豬肉條狀，配搭炸蒜調味入口更滋味，豬頸肉有咬口，但略嫌少少偏乾，整體上都唔錯。
炸豬頸肉配烤蕃茄辣醬
74 views
0 likes
0 comments
✥主食
𖥕招牌泰式蟹肉炒飯 💲158 ⭐️4.35/5⭐️
嚟親依度，我都會推薦朋友叫兩款主食，雖然都係澱粉，但係全部都係即點即炒，非常有鑊氣，蟹肉炒飯上枱看似平平無奇，但飯粒乾爽粒粒分明，火喉掌握非常有水準，其次係蟹肉份量豐富，每啖都食到一梳梳嘅蟹肉，非常滿足，必點推薦。😋
招牌泰式蟹肉炒飯
162 views
0 likes
0 comments
招牌泰式蟹肉炒飯
100 views
0 likes
0 comments
𖥕泰式炒闊河粉(雞) 💲128 ⭐️4.35/5⭐️
同樣午市只有雞可以做配料，而晚市可以選擇和牛作配料，和牛比較肉味濃郁，但都不算太影響，因為依道菜嘅主角其實係闊河粉，香港我暫時只有係依間餐廳食到咁軟燸煙韌質感嘅河粉，而且火喉精準，調味恰到好處，非常惹味，次次都將依份河粉清碟。😋
泰式炒闊河粉(雞)
115 views
0 likes
0 comments
✥甜品
𖥕泰式街頭椰子雪糕 💲78 ⭐️4.2/5⭐️
份量超豐富嘅兩球雪糕，隱藏叫法係可以兩球唔同味道混合，雪糕上有花生粒﹑椰子片﹑粟米條增添口感風味，椰子雪糕清新，泰式奶茶味香濃，係絕佳嘅解膩之選。😋
泰式街頭椰子雪糕
131 views
0 likes
0 comments
➰總結
餐廳主打泰北菜，算比較少見，即點即炒火喉調味鑊氣樣樣皆精，出品色香味俱全，甚至各類甜品都還原泰國味道，非常推薦鐘意泰國菜嘅朋友。
➿➿➿
#Samsen#泰麵
#灣仔美食#hkfood #hkfoodie #foodiehk #hkfoodblogger #hkfoodlover #hkfoodstagram #hkfoodporn #852eats #hkiger
#食好西 #相機食先#香港美食
#招牌泰式蟹肉炒飯#泰式炒闊河粉#泰式街頭椰子雪糕
➿
Post
