Video
Read full review
2025-01-07
930 views
呢間泰式餐廳最近推出咗身份證號碼優惠，有指定數字就可以享有高達75折優惠，幸運嘅我見到呢個咁抵嘅優惠就嚟咗食餐晚飯啦😲原隻龍蝦金邊粉呢個勁有氣勢，係原隻龍蝦拆咗肉咁上🦞 龍蝦肉幾彈牙，龍蝦頭入面有勁多龍蝦膏，真係好正😍 金邊粉就有豆干、雞蛋、櫻花蝦，側邊仲有花生碎，辣椒乾，砂糖，撈埋一齊食更加惹味。仲有三隻大蝦，整碟好豐富。雖然呢碟係冇身份證優惠，但係都食得好開心😁泰式燒牛肉呢個製作需時，要師傅慢慢燒🐮 牛肉份量都幾多，半生熟嘅牛肉好有口感，點埋隔離嘅泰式醬更加美味。乾蔥蒜蓉豬肉條一碟都幾大份，豬肉條炸得香脆，食落口有香茅調味，另外配埋乾蔥同炸蒜，係幾香口嘅🐷飛天炒通菜通菜份量都好多，味道帶少少辣，幾惹味🥬 椰汁西米糕係泰式嘅經典之味，每次食泰菜都會想嗌返份，西米糕唔算好甜🥰 飲品♦️椰青椰青水勁清甜，望落好新鮮🥥♦️象啤係勁有泰式風味嘅泰國啤酒🍻餐廳仲有推出$1菜式優惠，不過我揀咗身份證號碼優惠就冇用到😂呢間餐廳推出咁多優惠，真係好抵食，值得大家多多支持👍🏻
呢間泰式餐廳最近推出咗身份證號碼優惠，有指定數字就可以享有高達75折優惠，幸運嘅我見到呢個咁抵嘅優惠就嚟咗食餐晚飯啦😲
原隻龍蝦金邊粉
呢個勁有氣勢，係原隻龍蝦拆咗肉咁上🦞 龍蝦肉幾彈牙，龍蝦頭入面有勁多龍蝦膏，真係好正😍 金邊粉就有豆干、雞蛋、櫻花蝦，側邊仲有花生碎，辣椒乾，砂糖，撈埋一齊食更加惹味。仲有三隻大蝦，整碟好豐富。雖然呢碟係冇身份證優惠，但係都食得好開心😁
泰式燒牛肉
呢個製作需時，要師傅慢慢燒🐮 牛肉份量都幾多，半生熟嘅牛肉好有口感，點埋隔離嘅泰式醬更加美味。
乾蔥蒜蓉豬肉條
一碟都幾大份，豬肉條炸得香脆，食落口有香茅調味，另外配埋乾蔥同炸蒜，係幾香口嘅🐷
飛天炒通菜
通菜份量都好多，味道帶少少辣，幾惹味🥬
椰汁西米糕
係泰式嘅經典之味，每次食泰菜都會想嗌返份，西米糕唔算好甜🥰
飲品
♦️椰青
椰青水勁清甜，望落好新鮮🥥
♦️象啤
係勁有泰式風味嘅泰國啤酒🍻
餐廳仲有推出$1菜式優惠，不過我揀咗身份證號碼優惠就冇用到😂呢間餐廳推出咁多優惠，真係好抵食，值得大家多多支持👍🏻
Post
