Video
4-min walk from Exit B2, Wan Chai MTR Station
continue reading
Telephone
98236689
Additional Information
入廚30年泰國廚師，鎮守香港，不斷研發新菜式，遠赴家鄉Rangsit炮製特色濃湯船面，獨門秘方
Opening Hours
Today
11:30 - 22:00
Mon - Sun
11:30 - 22:00
Public Holiday
11:30 - 22:00
Public Holiday Eve
11:30 - 22:00
Above information is for reference only. Please check details with the restaurant.
About Reward Scheme
👦🏻👧🏻去完囍帖街喜影完燈飾，緊係要去搵野食填下個肚仔啦！呢間係囍帖街附近嘅餐廳之前見到已經好想去，咁影完燈飾緊係即刻衝去食啦！離遠已經見到人龍排緊隊啦！不過都好快10分鐘唔使就已經坐到入去食飯！🦞泰式龍蝦金邊粉 $268呢樣真係必點！波士頓龍蝦🦞真係好新鮮！肉質彈牙有鮮味，仲要起好肉，食起上嚟好方便，可以大啖大啖咁食！個頭仲要有幾多膏，啲膏真係好甘香鮮甜，好食到停唔到口！個龍蝦🦞鉗你剪開仲有好多水流出嚟，證明真係好新鮮💦！龍蝦肉好彈牙同有海水咸味！以為淨係個龍蝦好食，錯啦，估唔到個金邊粉都係咁好食😍！金邊粉煮到有啲煙韌，調味係酸酸甜甜同少少辣，仲炒得非常有鑊氣，香茅、蒜頭同青檸味道好有層次👍🏻！🐮泰式燒牛肉 $138燒牛肉燒到5成熟，外皮燒到帶脆，中間仲係粉紅色！真係燒得好好👍，肉質嫩滑，點上泰式汁嚟食就仲滋味，微辣夠開胃！🥘黃咖喱軟殼蟹 跟薄餅 $268黃咖喱香滑濃郁，帶少少椰香，啖啖蟹肉鮮甜脆口，仲炸到入口即化！薄餅仲大大份，目測應該有兩大塊，燒到脆口，用嚟點咖喱食真係無得彈！🥗柚子大蝦沙律 $98呢個酸酸甜甜嘅沙律用嚟做開胃菜真係無得頂！柚子好甜，配上酸汁又酸又甜真係好開胃，大蝦🍤好新鮮，好彈牙！🥣椰汁雞湯 細 $48好有椰香味🥥，加上微微辣，仲有幾件嫩滑嘅雞肉，又係開胃之選！🥣冬陰功湯 細 $48呢幾日開始凍加上落毛毛雨，飲返碗酸酸辣辣嘅冬陰功湯驅寒驅濕就最岩啦！冬陰功湯仲要勁足料，有大大隻新鮮蝦去煮🦐，抵飲！🍨椰子雪糕 $108椰子雪糕用椰子殻🥥做碗好有特色！證明真係用椰子水去整呢個雪糕！所以唔怪得雪糕咁有真實椰子香味🤤！用椰子雪糕做飯後甜品岩岩好中和返啲辣味，好舒服！🥥椰青 $48大大個清甜椰青，雪到又夠凍，食泰式野必叫❤️！🍹芒果熱情果沙冰 $58芒果🥭味同熱情果味都好真實，真材實料就已經好好飲，又係解辣必叫！🌟餐廳依家做緊兩個優惠，只要身份證🪪上含有 2，3，8，9四個字其中一個字就有9折✨，兩個字85折✨，三個字8折✨，四個字75折✨。記得要like店家社交平台同share相係社交平台👍🏻，先可以使用優惠。公眾假期係唔可以使用。仲有仲有！下午3️⃣點後消費滿$300加$1可享泰式青木瓜沙律🥗！消費滿$400加$1可享手打炸蝦餅🦐！消費滿$500 加$1可享泰式燒豬頸肉🐷！(優惠不可與其他優惠/折扣及現金券同時使用，如有任何爭議，泰鑫將保留最終決定權)🚙消費滿400可以係胡忠大廈同合和中心免費泊車3小時
continue reading
一踏入餐廳就被佢靚靚嘅裝修吸引住，木質嘅桌椅加上一啲泰式嘅裝飾，令整個環境感覺無比舒適。客人意料之外多，但服務員依然迅速又細心~椰汁雞湯 (S) - $48.0湯底濃郁、香滑，每一口都可以感受到椰子的甘甜，雞肉保持住鮮嫩，係開胃之選飛天炒通菜 - $88.0炒得恰到好處，保持咗青菜嘅鮮脆口感，配合泰式調味，更加提升咗整體味道，惹味好食黃咖哩軟殼蟹 - $268.0搭配薄餅真係好滿足！軟殼蟹肉鮮甜，加上濃郁嘅黃咖哩，搭薄餅一齊食，超級美味沙爹牛 (3串) - $88.0肉質嫩滑，醃製得剛好，搭配特製的沙爹汁，推薦椰子沙冰 - $58.0帶有濃濃嘅椰子香味， 味道清新百香果菠蘿蘇打 - $58.0酸酸甜甜，飲落去非常爽口，完美配搭所有菜式。消費滿400可以係胡忠大廈同合和中心免費泊車3小時
continue reading
灣仔的「泰鑫」是一間 bIstro 風格的泰國菜餐廳，裝潢清新時尚，開放式廚房，可見廚師及製作過程，出品唔錯。適合我們駕車人仕，消費滿$400，便可在胡忠大廈或合和中心享用免費泊車3小時。柚子大蝦沙律 $98刻意大大粒的柚子，有啲花生，有兩隻蝦，少少辣，令人開胃。泰式燒豬頸肉 $118泰國餐廳一定要食豬頸肉，出錯機會低，估計正確，燒得很好，滋味有咬口，必吃項目。椰子雞湯（小） $48一人份量正好，香滑味美。泰式黃咖喱軟殼蟹 $268非常豐富的咖喱汁，香而不辣，軟殼蟹酥脆香口，外脆內嫩，美中不足是薄餅已沽清，只好配白飯。泰式雞肉金邊粉 $118喜歡酸酸地的味道，不會覺得膩，金邊粉幼細掛汁。芒果糯米飯 $88芒果新鮮、椰漿濃郁豐富，糯米飯黏稠，好味道。留意推廣，每日有不同優惠。
continue reading
今天去接朋友下班，走着走着，就被以木系格調裝修、走小清新風格的【泰鑫】所吸引。在門前看一下介紹，才發現是泰國🇹🇭駐香港總領事館推介的餐廳🍴店舖面積雖然不大，但食物選擇繁多，有沙律、小食、湯、咖喱、炒飯炒麵及甜品等；而且全部由泰國廚師主理👩🏻🍳✨前菜：《青芒果軟殼蟹沙律》軟殼蟹炸得香脆，而青芒果切成細絲，酸甜爽脆；再伴上辣汁，開胃又醒神🤓✨主食：《泰式雞肉金邊粉》金邊粉幼身但口感煙韌，用上雞肉、豆腐乾、蛋絲及芽菜一起炒，非常足料！同時，可按自己喜好加上碟旁的砂糖、花生碎或辣椒片💕《乾炒雞肉闊河》炒得夠香，而且不太油膩！最讚是闊河口感順滑，且加入雞蛋、爽脆的芥蘭和胡蘿蔔，使口感變得更豐富🤤✨小食：《泰式燒豬頸肉》豬頸肉燒得焦香微脆，肉嫩Juicy😍再沾上燒汁食用，香口又惹味。✨湯(可選大、小)：《冬陰功 - 小》小小一碗，卻有一隻爽口彈牙的大蝦🦐香料濃郁，酸酸辣辣，認真開胃😋《椰子雞 -小》湯底呈奶白色，帶有淡淡的椰子香🥥嫩滑的雞肉與清甜的湯底，簡直是完美配合👍🏻✨飲品：《芒果熱情果沙冰》兩種水果混合，味道較酸😝能解辣、解膩！《椰子沙冰》口感綿密，椰香撲鼻😌微微的甜，剛剛好！✨甜品：《椰子凍》用椰子殼去當器皿🥥，吸睛又可愛😍內裏的果凍清甜爽口，再加上椰漿及椰子乾絲，咸咸香香，讓人停不下來🫣💕
continue reading
聽聞灣仔開咗間好受歡迎嘅泰國餐廳，今日返灣仔探舊同事，順便約埋佢地去試下先😆。 泰鑫 由入廚3️⃣0️⃣年嘅泰國廚師主理，等我睇下係咪真係唔駛飛去泰國都可以享受正宗泰式料理先得😍。青芒果軟殼蟹沙律 $118軟殼蟹🦀炸得香脆乾身，青芒果絲爽口，清甜偏酸，整體味道既香口又非常醒胃😋。泰式大蝦炒海鮮金邊粉 $138金邊粉炒得乾身🍝，口感柔韌軟滑，鮮蝦口感爽彈味甜😍。泰式船湯麵(牛肉) $138西冷牛肉片🥩大大片，牛味重帶油脂香，肉質柔軟嫩滑🥰。湯底加入豬血，味道濃郁鮮香，麵質爽滑，滋味無窮🤤。乾蔥蒜蓉豬肉條 $108腩條炸得香口乾身，肉味道香有嚼勁😍。沙爹牛3串 $88牛肉串燒肉嫩多汁，點埋自家製沙爹醬，更加惹味香口😋。泰式手打炸蝦餅 $88蝦餅🦐炸得香口乾身，蝦味鮮香，口感彈牙😋。泰式燒豬頸肉 $118豬頸肉🐖烤至表面焦香，肉質軟嫩多汁，點配泰式酸辣汁，醒胃又惹味😋。泰式黃咖哩蟹肉 + 薄餅兩件 $228黃咖哩味道香甜帶陣陣蛋香味，蟹肉🦀份量勁多，鮮香甜美，配搭外脆內軟嘅薄餅，好食到停唔到口🤤。泰式燒牛肉 $138西冷🥩燒至5️⃣成熟成度，表面焦香，口感軟嫩腍滑又多汁，牛肉味重，油脂味香，令人回味無窮😋。芒果糯米飯 $88芒果🥭香甜多汁🥰，果肉厚身細緻，糯米飯軟糯，加埋香甜的椰醬，簡直係絕配😋。椰汁西米糕4件 $48西米軟滑香甜，加上香濃嘅椰漿凍及粉糯嘅芋頭粒，口感豐富又好食😍。冬陰冰冰蘇打 $58生薑、香茅及檸檬味突出，每一口都帶微微的辣勁，有一種冰火交融的刺激，口感獨特又好味🤤。百香果芒果沙冰 $58.-味道酸甜清香，口感冰涼，解油又醒胃😋。
continue reading