Video
Read full review
2020-12-11
184 views
和牛控必去 🐮 食和牛一定要係燒烤或者去打邊爐嘅，去位於灣仔嘅Mashi No Mashi 都又可以食到好好食嘅和牛沾麵！其實佢個地點都幾隱蔽， 正常人即使行過佢門口未必知佢係食咩。想去嘅朋友記住留意番，即使堂食都好，記住係要買咗飛先會安排入座嘅編號！ 聽講好似話碧咸都專程嚟食，咁我哋當然食晒佢嘅特製和牛沾麵 同埋和牛丼喇！首先講特製牛沾麵先，佢麵底預設嘅份量係150g，對於男士來講略嫌有啲唔夠，但女士來講就啱啱好。 個沾汁充滿着濃濃嘅牛肉味，入面仲有啲和牛粒，喺出邊好少有既味道，而且溫度非常之熱，唔會食食吓就凍哂。我就比較鍾意食冷沾面，而餐廳嘅冷沾面真係會用凍水過冷河，唔似一般餐廳淨係會用室溫水，咁樣一冷一熱食就好正。沾面上面既薄切既火灸和牛，同牛肉丼牛肉有少少唔同，我就覺得牛肉上面嘅牛肉比較好食。雖然味道好唔錯，但係到尾段就覺得個沾汁似有啲鹹，所以後加左一杯嘢飲🤣🤣牛肉丼黎講，佢所用嘅嘅牛肉明顯比沾面嘅厚同埋高質，有真係入口即溶嘅感覺，同埋上面個蛋黃令個賣相加咗唔少分。但我覺得個飯就略嫌比較黏身同埋少，感覺就好似食緊壽司飯，比較硬同埋難消化。雖然配上左蛋黃汁令到個牛肉丼混合左油香同
食和牛一定要係燒烤或者去打邊爐嘅，去位於灣仔嘅Mashi No Mashi 都又可以食到好好食嘅和牛沾麵！
其實佢個地點都幾隱蔽， 正常人即使行過佢門口未必知佢係食咩。
想去嘅朋友記住留意番，即使堂食都好，記住係要買咗飛先會安排入座嘅編號！
聽講好似話碧咸都專程嚟食，咁我哋當然食晒佢嘅特製和牛沾麵 同埋和牛丼喇！
首先講特製牛沾麵先，佢麵底預設嘅份量係150g，對於男士來講略嫌有啲唔夠，但女士來講就啱啱好。 個沾汁充滿着濃濃嘅牛肉味，入面仲有啲和牛粒，喺出邊好少有既味道，而且溫度非常之熱，唔會食食吓就凍哂。我就比較鍾意食冷沾面，而餐廳嘅冷沾面真係會用凍水過冷河，唔似一般餐廳淨係會用室溫水，咁樣一冷一熱食就好正。沾面上面既薄切既火灸和牛，同牛肉丼牛肉有少少唔同，我就覺得牛肉上面嘅牛肉比較好食。雖然味道好唔錯，但係到尾段就覺得個沾汁似有啲鹹，所以後加左一杯嘢飲🤣🤣
牛肉丼黎講，佢所用嘅嘅牛肉明顯比沾面嘅厚同埋高質，有真係入口即溶嘅感覺，同埋上面個蛋黃令個賣相加咗唔少分。但我覺得個飯就略嫌比較黏身同埋少，感覺就好似食緊壽司飯，比較硬同埋難消化。雖然配上左蛋黃汁令到個牛肉丼混合左油香同埋蛋香，但個飯實在太黏太硬，呢方便就有少少扣分。
今次我哋就冇食好多人推薦嘅和牛餃子，因為個價錢非常之貴同埋已經飽飽地，希望下次有機會食下。
*廚房會喺上菜之前問你 “Ready? “，因為佢哋個招牌動作就係會喺上菜之前叫你幫佢哋影張好chok既相， 不過睇多幾次就好似好尷尬咁樣🙈
Post