圃鍋 (Closed)

打邊爐嘅生活持續咗一段時間。就算天氣漸漸開始熱，但一於唔好比佢停，所以我地又打邊爐。對於食一直有要求嘅朋友話，為咗尋覓一間好食嘅火鍋餐廳，所以樂此不疲地為我地提供一間又一間嘅選擇，而今日我要特別講嘅呢間「圃鍋」位於‪灣仔區‬。先講講裝潢，餐廳樓頂好高，燈光有少少昏暗，但凝做出燭光晚餐嘅感覺，幾個人相約晚餐傾下計，幾好氣氛。格調呢啲野並非得個樣，坐低後見到餐桌準備好客人用嘅抹手毛巾同餐前水果，服務貼心加分。今餐，我地分別揀咗兩款湯底：懷舊莞茜皮蛋蘿蔔湯、傳統豬骨湯。柯打後無耐除咗湯底好快到之餘，一大盆嘅刺身都同時上菜。咁就可以邊食邊等個鍋滾起。刺身一到，眾人都紛紛攞起相機左閃右影，擺盆嘅賣相又的確係十分吸引嘅。終於起筷，賣相靚嘅食物，味道都果然有保證啲，呢個刺身盆分別有三文魚、吞拿魚、牡丹蝦同深海池魚。每款都十分新鮮，而今晚食嘅池魚，肥而且鮮，就算唔點豉油都相當甜，大滿足。係陶醉緊刺身嘅同時，各種嘅火鍋料都陸續有來咁上，特別係呢條龐大嘅海鮮船，誇張地排列咗唔同種類嘅海產，有龍蝦、海蝦、鮑魚、帶子、花甲同蚌。每隻海鮮都超大隻，而且好新鮮，邊食邊見到隻鮑魚係咁郁下郁下，非常活躍。然而，終日焦