Video
Read full review
2023-02-19
1269 views
忽然又想食印度野😋灣仔銅鑼灣區唔多呢種菜式，不過OpenRice一search就搵到呢間位置偏僻啲，舖頭比較細，平日唔係路過都應該唔知佢嘅存在🙁Menu選擇超級多😍有白飯set ／手抓飯set ／烤麥餅set，每個都有唔同肉類揀，雞牛豬羊都有另外仲有多款不同製作方法嘅尼泊爾餃子Momo🥟當然仲有啲散叫嘅烤肉，又係選擇困難症發作嘅時候▶️ 豆湯Daal soup先來個黃色嘅湯💛，唔好俾佢個顏色嚇親，係天然嘅顏色，來自香料飲落味道偏清同水，唔似一般西餐creamy湯係啲豆同薯仔搞溶整出嚟嘅，有薯仔沙沙地嘅口感，加豆嘅味道，變相營造到佢好似杰身咁🥔個人覺得幾特別，一路食濃味嘅咖喱，間中飲番啖湯，咁就可以「調整」返自己嘅味覺▶️ 雞肉烤麥餅套餐Chicken roti set ($70)成個set好靚仔，鐵盤分為四格最大格放咗三大片接起左嘅印度烤餅🫓另外三格就分別放上紫洋蔥同醃咗辣醬嘅蘿蔔同青豆🧅咖喱雞肉🐔紅腰豆瑪沙拉🫘印度烤餅非常簿身，但搣起上嚟分成兩層，味道上似潮州薄餅，只係多咗好多小麥粉(唔知點解同之前起正宗印度餐廳食嘅味道唔同😅)不過我覺得呢個都好食，起碼薄餅夠軟身，捲住啲咖喱雞同紅腰豆食
位置偏僻啲，舖頭比較細，平日唔係路過都應該唔知佢嘅存在🙁
Menu選擇超級多😍有白飯set ／手抓飯set ／烤麥餅set，每個都有唔同肉類揀，雞牛豬羊都有
另外仲有多款不同製作方法嘅尼泊爾餃子Momo🥟
當然仲有啲散叫嘅烤肉，又係選擇困難症發作嘅時候
▶️ 豆湯Daal soup
先來個黃色嘅湯💛，唔好俾佢個顏色嚇親，係天然嘅顏色，來自香料
飲落味道偏清同水，唔似一般西餐creamy湯
係啲豆同薯仔搞溶整出嚟嘅，有薯仔沙沙地嘅口感，加豆嘅味道，變相營造到佢好似杰身咁🥔
個人覺得幾特別，一路食濃味嘅咖喱，間中飲番啖湯，咁就可以「調整」返自己嘅味覺
豆湯
143 views
0 likes
0 comments
▶️ 雞肉烤麥餅套餐Chicken roti set ($70)
成個set好靚仔，鐵盤分為四格
最大格放咗三大片接起左嘅印度烤餅🫓
另外三格就分別放上紫洋蔥同醃咗辣醬嘅蘿蔔同青豆🧅咖喱雞肉🐔紅腰豆瑪沙拉🫘
雞肉烤麥餅套餐Chicken roti set
$70
73 views
0 likes
0 comments
印度烤餅非常簿身，但搣起上嚟分成兩層，味道上似潮州薄餅，只係多咗好多小麥粉(唔知點解同之前起正宗印度餐廳食嘅味道唔同😅)
不過我覺得呢個都好食，起碼薄餅夠軟身，捲住啲咖喱雞同紅腰豆食，絕配👍🏻
Roti chapati
40 views
0 likes
0 comments
咖喱雞個咖喱醬偏辣🥵勝在唔太油
雞肉肉質滑嫩，因為用上帶骨嘅雞腿肉而非雞柳雞胸
自己冇乜加紫洋蔥同醃蘿蔔，因為呢啲實在太濃味🙈紫洋蔥味道苦又攻鼻，醃蘿蔔仲辣過咖喱，同埋偏鹹
個人最鍾意係紅腰豆瑪沙拉(Rajma)❤️超多原粒嘅紅腰豆，非常有質感
一開始以為個底醬係咖喱，點知原來係用真蕃茄整嘅醬，原理似英式焗豆 (baked beans)，不過好食好多倍😆
味道一啲都唔鹹酸，反而帶啲香料味🌱味道天然，成碟食晒
Rajma
53 views
0 likes
0 comments
▶️ 羊肉烤麥餅套餐Lamb roti set ($75)
同上面嗰個套餐差唔多，純粹係咖喱雞變咗咖喱羊肉
羊嘅份量比雞肉多，肉質幾淋，重羊味但唔騷🐐
有趣地伴菜都唔同，今次唔係紅腰豆瑪莎拉，而係薯仔椰菜花 (Aloo gobi)，亦係相當健康嘅菜式
羊肉烤麥餅套餐Lamb roti set
$75
46 views
0 likes
0 comments
-
又一間好食嘅印度菜🤤印度菜開始榮升做我鍾意嘅菜式之一，發現佢哋好多菜式變化，香料調味好講究
內在環境細少少，不過唔會話坐得太迫
服務幾好，姐姐唔係香港人但識講少少廣東話，特登攞張凳俾我哋擺袋
上菜神速快，落完order轉個頭就嚟😂
性價比幾高，冇加一，平均$70一個人，食完好滿足又好飽🤰🏻(每一次食印度菜都好豐富haha)
嚟灣仔銅鑼灣區嘅朋友不妨試試呢間，必定有意想不到嘅驚喜✨
Post
