鳥華亭

Open Now

Now Closed

今次再去灣仔試吓新嘅拉麵店，有朋友介紹我嚟呢間鳥華亭，所以今日就嚟試吓。 去到嘅時候夜晚七點左右，都等咗一陣，一入到去，個侍應姐姐好熱情，笑容好好，即使等咗陣流晒汗小小躁都即刻平復心情，佢仲同我介紹有咩好食，今餐食得好開心。 特盛雞白湯拉麵 好足料，而且個雞湯好濃！除咗濃之外仲好好味。佢哋嘅雞叉燒係好香好嫩嘅雞肉，感覺應該係慢煮雞肉，仲好厚而且有好多塊。碗麵好足料，食到好飽。 辛辣雞白湯拉麵 一上枱就聞到香辣味，入到口feel到佢哋唔係辣粉沖嘅而係真係煲出嚟，而且辣味同雞湯味都幾夾，鍾意食辣嘅朋友可以試吓呢個，我就比較prefer佢哋唔辣嘅湯，真係食到原汁原味嘅雞味。 煎餃子+忌廉蟹肉薯餅 佢哋嘅煎炸物都係即叫即炸嘅，所以上枱嘅時候係新鮮滾熱辣，煎餃好脆入口好香，冇話特別油，入面嘅料都幾飽滿。忌廉蟹肉薯餅入到口食到香濃忌廉味，絕對可以一試。