家賀屋刺身寿司專門店

天氣咁熱，晚餐多咗食日本菜降下溫。今日去咗灣仔家賀屋刺身寿司專門店食，貪佢好食之餘又食得舒服。餐廳用QR code 落單，非常方便，亦貼心預留位置俾食客擺袋係凳底。我哋一嚟就叫咗特選鮪盛，壽司飯已經有豉油，唔需要額外調味都可以，吞拿魚各部位都好出色，赤身魚味濃郁，中拖羅油脂分佈均勻，大拖羅咬落去成個口滿佈油份，非常邪惡。之後叫咗加賀壽司，一啖有哂海膽、蝦同吞拿魚蓉多重鮮味。我仲追加咗鮟鱇魚肝壽司，魚肝好厚實，仲有小小辣吊一吊味。炸三文魚皮，炸到好香脆，同一般炸魚皮相比仲有好脆嘅魚鱗。西京燒三文魚鮫，上菜時燒得啱啱好，熱辣辣而且醬料味道濃沃，三文魚肉質結實，鰭嘅部分就好重膠質。之後就係令人好滿足嘅刺身，全部好足料好大件。首先有岩手縣赤崎蠔，大到一啖食唔曬，好好肉地，而且咬落仲有海水鹹味；牡丹蝦食埋蝦頭都唔腥；三文魚腩夠肥美，油脂感十足。特盛山椒鰻魚丼，鰻魚好厚，肉身又夠腍，邊位仲有少少炭燒味，魚皮亦膠質十足。最後係北海道千層雲呢拿蛋糕同朱古力心太軟，千層蛋糕嘅雲呢拿味好香，心太軟就好重朱古力味，簡直係完美嘅終結。飲品我哋叫咗冰啤，有唔同嘅味道，我哋分別叫咗接骨木花味同蜜桃味，前者清香，後