黑龍

Open Now

Now Closed

同姊妹去灣仔行街，當然要食好野，見到有間叫 《黑龍》的拉麵店，係灣仔汕頭街29號地舖。主打食拉麵和沾麵，仲有飯類同小食料。既然主打拉麵和沾麵，當然要試呢2樣啦！櫻海老沾麵 $98呢個麵有櫻花蝦，數片叉燒和一隻溏心蛋。沾麵的麵較佢地的拉麵粗，有啲近似鳥冬但又比一般鳥冬幼身少少。我覺得沾麵係呢個粗幼度好好，咬落去QQ彈彈，又有力可以掛到湯汁。叉燒味道適中，成隻溏心蛋好滿足，蛋汁沾麵都好好吃😋白雞鹽拉麵 $88雞🐔和鹽🧂味好夾，清淡的鹽味唔會搶左雞肉湯鮮味，個湯好好飲👍雞肉片好好味，仲有隻溏心蛋🥚😋個麵可以揀軟硬度，分别有軟，基本和硬。之前有食過，因為我鐘意Q彈夾口的麵，所以要左硬的，就算食得慢都唔驚D麵過軟。配料仲可以選擇加唔加蔥同洋蔥🧅，當然2樣都要。