Seoulmate (MONTEREY Place)

Open Now

Now Closed

這間嘅招牌火山飯知道好耐，今次終於有空嚟試試。試後真係冇失望，創意滿分，味道亦滿分，怪不得咁受歡迎，店亦有另一款雲狀，外表都係有趣，但裏面啲飯可能味道同火山一樣，下次再嚟要試吓。-🌹韓式紫菜飯卷紫菜包住啲飯，內餡有午餐肉、醃黃瓜、紅蘿蔔，仲有芝士，味道不過不失，只係冇乜特別驚喜。-🌹香煎帶子和豆腐麻醬沙律這個似夏威夷嘅poke bowl，不過這個特別嘅地方係有豆腐，麻醬加豆腐味道不錯，主角帶子亦煎得香亦多汁，小編覺得如果有生果如橙粒、柚子粒等等會增加口感甜味，整個沙律會更出色。-🌹烏卒卒火山（忌廉蟹肉蘑菇飯）衣個咁有趣嘅食物係這店招牌，第一次嚟衣度冇理由唔叫。外表咁有趣，個個都爭住打卡，以為佢得嗰外表唔好食，咁你就錯了。灰色外層原來係蛋白，可能混了墨魚汁變咗灰色，將蛋白焗咗之後又真係幾似啲火山裂紋，咁都諗到抵讚，食落軟軟唔膩，裏面係蟹肉蘑菇飯，味道幾好，混埋放喺火山頂嘅熔岩蛋黃，又香又滑，小編覺得必食。-🌹榛子忌廉配焦糖香蕉窩夫其實朱古力雪糕、焦糖香蕉、榛子醬同窩夫各自都好味，只係將佢哋放埋一齊食，值得一讚係焦糖香蕉，這個應該係廚師做，香蕉焗得好香，上面嘅焦糠亦烤得又香又脆，不過如果窩