相馬日式火鍋 (Closed)

今日去火炭食大閘蟹放題，呢間原先係日本菜火鍋餐廳，👯‍♂️嚟到餐廳門口已經有好多人等緊，好彩我哋一早book咗位。👍🏻🌶朋友超級鍾意食辣，中華辣湯顏色紅噹噹睇到都覺得好辣，🍲湯底愈滾未到愈濃郁，辣湯後勁湧現，雖然難但越食越過癮。🦪特別喜歡帶子同青口，青口好肥美及帶子好大粒，雖然係辣湯底，但依然能夠食到海鮮嘅鮮甜味，肉質爽口唔會霉。🦀大閘蟹落單時間唔需要等太耐，大閘蟹唔算太大隻不過就勝在膏是滿滿的，食落無苦澀味，唔錯。💯🐄肉類有美國特選牛肩胛同優質雞腿肉，兩款肉望落色澤光潤，牛肩胛油花分布清晰平均，食落唔羶兼有牛香，🐓而雞腿肉非常嫩滑且雞味香濃，太好食了。整體食味質素高，餐廳環境都好舒適座位闊落坐得幾舒服。❤️❤️