相馬日式火鍋 (Closed)

嚟開呢頭諗唔到食乜，相馬日式火鍋都係個好嘅選擇，一個價錢除咗打邊爐，仲有啲燒烤熟食可以叫。重點同一般嘅火鍋任食熟食自助唔同，呢到熟食係用紙落單，保證係熱辣辣新鮮！火鍋：揀咗個免費選擇中嘅泡菜湯，個人覺得有少少偏酸，加上泡菜係一大嚿咁上，如果可以拆細嚿會容易啲分～相馬嘅牛肉係主要嘅賣點之一，統一嚟自美國有質素保證嘅來源，特選牛肩胛同普通牛肉嘅外貌上主要係油花分佈，不過食落其實唔太大唔同，同樣都係牛味香！燒烤：翠肉瓜同菠蘿必食！調味唔算好濃，保留到食材原味～重口味嘅人可能要自己加少少調味。