胡爐 (Closed)

一入到餐廳好快就坐低左喇。 落完單好快就有個醬料架黎到，拎完醬料， 卜卜蜆肉和蟹肉鍋就上菜喇。侍應叔叔加上燒酒快炒，仲溫馨提醒小妹可以錄影同埋唔好靠太近個火鍋！加入魚湯後，卜卜蜆同蟹肉既香甜味道就飄出黎喇，即刻一人一碗鮮甜好味既湯。湯頭黎講飲落都幾清甜！小妹都會推介俾大家！話明魚蝦蟹，就咁一個魚湯邊夠霸氣架！ 當然唔少得鱔魚片啦~ 聖子同埋鮑魚有promotion ，一於黎個海鮮大餐啦。整體黎講係一間唔錯既餐廳，價錢加埋火焰炒海鮮show都要做合理既。不過小妹就貪心d，如果隻蟹可以大隻D就會更好喇！最難忘既除左成晚不停咁拆肉拆到手軟之外，應該就係鱔魚片同埋手工餃子喇！希望下次再黎隻蟹會大d啦