火薈中日火鍋

Open Now

Now Closed

平時都好少去食火鍋放題，因為放題嘅質素多數都無咁好。所以今次就食咗呢個套餐火鍋，食得飽之餘又食到幾好質素既食材。我同朋友對海鮮就冇乜興趣，除咗象拔蚌，所以乾脆就叫最平嘅$208位既C餐，有丸，滑雞，鯇魚片，墨魚滑，雪花肥牛等等。首先佢哋會比好多豉油嘅配菜俾你選擇，有辣椒，葱，蒜蓉⋯⋯辣椒同炸蒜係必落呀!雪花肥牛瘦肥分明，切得薄，係新鮮嘅肥牛，有好濃郁嘅牛味，亦都唔鞋。鮮雞件超級滑，滾左好耐都keep住個滑度，估唔到有驚喜，因為出邊食嗰啲多數都係好鞋，好老。墨魚滑上面有啲蟹子，夾埋爽口彈牙，差唔多成碟都係我食晒。鯇魚片好鮮甜，不過我就比較喜歡脆肉鯇，因為會爽脆點。黑椒牛丸拼貢丸就普普通通，唔算有什麼驚喜。重頭戲來啦！就係象拔蚌，我哋叫咗例牌＄198，生食就鮮甜爽脆，只點少少豉油同埋Wasabi就已經可以。鍾意熟食嘅就可以將佢放落去滾一兩下，同樣鮮甜可口。最後埋單＄724，兩個人食可能都算貴左少少，不過間唔中一兩次都可以嘅。