Video
Read full review
2022-08-18
510 views
油塘中心雖然舊，不過有好多食肆。話說之前有間新餐廳係賣台灣嘢，但話咁快就易咗手🙈。呢日去開家興入貨，就試吓新店「BuBu燒麻辣燙」。舖頭用個BB頭像做招牌👶🏻🍼，好得意呀。估計小店係由一家人經營。女店主好友善，同我傾偈，叫我下次再嚟幫襯。小店賣嘅食物種類唔算多，不過係大路嘢，例如有麻辣燙、串燒、炸物同涼拌小食等，價錢大眾化👍。食物即叫即整，大約需時十分鐘，等嘅期間可以喺户外啲枱櫈坐吓。BuBu麻辣燙($50起)，呢個係乾拌款式🥢，餸料選擇有廿幾款，分兩個價位$13及$9，同時亦可揀主食$10。我要咗米線，基本上你可以當佢係正餐，大大碗，夠晒飽。麻辣燙口味火辣辣🔥，辣度唔講得笑，建議大家唔好一次過撈晒啲辣椒，逐啲逐啲嚟。佢另外仲有蔥同芫荽等，食落好鬼惹味。墨魚頭($13)，屋企兩老好鍾意食墨魚🦑，但好多時都好硬、咬唔開。不過呢度嘅出品相反，爽得嚟一啲都唔韌，幾正。但佢個樣就衰少少，有啲似雞子🤣。魚肉春卷($13)，🍢春卷有兩大條，腐皮包裹彈牙魚肉，好食過普通魚蛋，佢有啲似南記招牌。豬頸肉($13)，🐷即使豬頸肉唔係泰式燒烤咁香口，不過味道都OK，肉質唔嚡，亦無過多肥膏，個人認為好過五花腩
油塘中心雖然舊，不過有好多食肆。話說之前有間新餐廳係賣台灣嘢，但話咁快就易咗手🙈。呢日去開家興入貨，就試吓新店「BuBu燒麻辣燙」。
舖頭用個BB頭像做招牌👶🏻🍼，好得意呀。估計小店係由一家人經營。女店主好友善，同我傾偈，叫我下次再嚟幫襯。
小店賣嘅食物種類唔算多，不過係大路嘢，例如有麻辣燙、串燒、炸物同涼拌小食等，價錢大眾化👍。食物即叫即整，大約需時十分鐘，等嘅期間可以喺户外啲枱櫈坐吓。
BuBu麻辣燙
21 views
0 likes
0 comments
墨魚頭
15 views
0 likes
0 comments
魚肉春卷($13)，🍢春卷有兩大條，腐皮包裹彈牙魚肉，好食過普通魚蛋，佢有啲似南記招牌。
豬頸肉($13)，🐷即使豬頸肉唔係泰式燒烤咁香口，不過味道都OK，肉質唔嚡，亦無過多肥膏，個人認為好過五花腩。
娃娃菜($9)，🥦菜份量幾多，但超級索汁，好辣啊。
脆炸雞脾
$20
10 views
0 likes
0 comments
多春魚($28/份)，🐟一客有六條多春魚，味道屬正常發揮，不過始終新鮮炸起，點都好過超市嗰啲翻炸。
總括嚟講，呢間小店嘅食物出品唔錯，嚐辣者直頭會好興奮🌶，因為難得可以食到咁正宗嘅辣嘛。我自己就唔係咁食得辣，所以都係食雞脾吧🐔。
Post
