敍亨軒海鮮火鍋

Open Now

Now Closed

今晚我們去咗喺尖沙咀嘅「敍亨軒海鮮火鍋」打邊爐！我們叫咗特大海膽刺身、象拔蚌刺身、手切雪花牛肉、加拿大桶蠔、花膠、嘉美鷄子、避風塘炸魚皮、避風塘茶樹菇同甜品心太軟拼雪糕！特大海膽刺身真係超新鮮，味道非常鮮甜，夾埋青瓜一齊嚟食，感覺好清新！係本人嘅必食推介！象拔蚌刺身亦都係超新鮮，非常爽口彈牙，鮮味十足！手切雪花牛肉嘅色澤好紅潤，脂肪嘅分佈相當平均，入口即溶同肉味非常濃郁！加拿大桶蠔好大隻，味道超鮮甜，非常creamy！避風塘炸魚皮同避風塘茶樹菇係即叫即做，上碟嚟食嗰陣係熱辣辣！炸魚皮炸得非常香脆！茶樹菇嘅味道都幾香甜同口感好特別！最後係心太軟拼雪糕！心太軟外面嘅蛋糕非常鬆軟，切開入面留出香濃軟滑嘅朱古力溶，真係非常好味！最緊要嘅係唔會太甜！好過外面好多間甜品店好多！係本人超極力推介！