厚福館 (黃埔天地) (Closed)

作為街坊，見證此店開張，一直到幾多人幫襯 ，卻從未有機會進去品嘗，今晚終於選擇此店作為晚餐。店內的半開放式的空間裡，有一排開闊的窗，可以欣賞到繁華黃埔街頭的風景。今日選擇了海鮮與牛肉的二人盛宴。包括海膽及象拔蚌刺身，牛肉，肉丸等，性價比幾高。一匙的海膽，其實都幾多，又可以加紫菜一齊食，象拔蚌刺身夠新鮮、爽口。海鮮拼盤上，鮑魚、澳洲藍龍蝦、蜆以及貴妃蚌各自獨佔一角。鮑魚生猛新鮮，就連上桌烹煮火鍋時，都還在蠕動。澳洲藍龍蝦的肉質堅實，口感絕佳。蜆和貴妃蚌都唔錯。手工丸餃拼盤中的蝦丸和墨魚丸，能夠清楚地品嘗到手工製作的獨特口感，肉質緊實，彈牙，且鮮甜。佢哋選擇騸牯牛肉，網上查看後才知道是一種新興的牛肉品種，牛頸脊的肥美，以及邊肉的香醇，都極具特色。餐後甜品為香港品牌雪糕，味道都唔錯。