Video
Read full review
2018-07-25
71 views
有位朋友對火鍋情有獨鍾，加上係荃灣附近番工同時又係一位路痴，所以最後決定去番荃灣個頭同佢一聚，去左一間叫做常滿既火鍋店。地點唔太難搵，所以好快就去到啦～環境非常乾淨同埋冷氣非常夠，因為食火鍋冷氣唔夠凍就會食到好熱會好唔方便！坐底之後已經好快有侍應姐姐神速咁幫我地準備好醬料架。好等我地可以自行配搭自己喜愛既醬料，相當細心，抵讚！睇左一陣餐牌，以下就係今晚食既美食！湯底方面 酸菜白肉鍋 其實酸菜白肉係東北菜名菜之一。酸菜即係鹹酸菜，放去做湯底最好不過。因為醃製後味濃，放去做湯底唔洗過份調味就食到酸鹹味。可能多水既關係，味道恰到好處！食到酸菜既少少甜味，冇咩化學味。白肉即係五花肉，見到肥瘦橫間一致就係豬肉就係正宗既五花肉！食落口肥而不膩！配任何肉食，菜都非常開胃！秀珍茹聞上去有少少草腥味，正常既菇應該有既氣味，冇爛冇黑色，絕對係靚仔！份量如果多番少少就會比較好，放係湯底煮一陣就好快熟，菇類吸收左湯汁既酸甜味，令到個菇味道更加出，咬口爽而不硬用黎清一清腸胃最好不過！手打墨魚滑蝦滑雙拚 賣相吸引！一灰一白既顏色既蝦滑同墨魚滑分別放係一個半圓既木桶上面，墨魚滑同蝦滑都有打到起膠，幾痴住個木桶。都要
地點唔太難搵，所以好快就去到啦～環境非常乾淨同埋冷氣非常夠，因為食火鍋冷氣唔夠凍就會食到好熱會好唔方便！
坐底之後已經好快有侍應姐姐神速咁幫我地準備好醬料架。好等我地可以自行配搭自己喜愛既醬料，相當細心，抵讚！睇左一陣餐牌，以下就係今晚食既美食！
湯底方面 酸菜白肉鍋
其實酸菜白肉係東北菜名菜之一。酸菜即係鹹酸菜，放去做湯底最好不過。因為醃製後味濃，放去做湯底唔洗過份調味就食到酸鹹味。可能多水既關係，味道恰到好處！食到酸菜既少少甜味，冇咩化學味。白肉即係五花肉，見到肥瘦橫間一致就係豬肉就係正宗既五花肉！食落口肥而不膩！配任何肉食，菜都非常開胃！
秀珍茹聞上去有少少草腥味，正常既菇應該有既氣味，冇爛冇黑色，絕對係靚仔！份量如果多番少少就會比較好，放係湯底煮一陣就好快熟，菇類吸收左湯汁既酸甜味，令到個菇味道更加出，咬口爽而不硬用黎清一清腸胃最好不過！
手打墨魚滑蝦滑雙拚 賣相吸引！一灰一白既顏色既蝦滑同墨魚滑分別放係一個半圓既木桶上面，墨魚滑同蝦滑都有打到起膠，幾痴住個木桶。都要讚一讚廚房既師傅，分別係木桶底部油一左一層油，好等食客容易將蝦滑墨魚滑放係湯中煮熟，味道尚算唔錯，爽滑跟彈牙都做到！果然冇令人失望！
冰豆腐 打邊爐一定要有冰豆腐！當佢吸哂湯汁，立即由味淡變惹味！汁香味鮮，冰豆腐好唔好在於水份壓得夠唔夠，加上本人對豆類食品要求都幾高，常滿都做得唔錯！豆腐夠乾身，唔夠乾身一放去湯入面一定散開，呢塊冰豆腐就好似一塊海棉咁！吸哂之前食材跟酸菜白肉既味道！加上豆味令到冰豆腐既味道更加豐富！
響鈴
雖然唔係即炸，但係都不輸其他知名火鍋店。聞上去幾香豆皮味，正正係響應有既味道，份量足夠四人食用，味道幾香豆味，食唔到油味，證明唔係擺左好耐既食材！
牛肉拚盤
壓軸之作。牛肉以一塊精緻既木盤呈上，更有專人介紹，擺設有經過精心舖排，別出心裁，獨具一格！有額外既裝飾，可見相當重視呢一盤牛肉食材，大走和風。以一間火鍋店黎講絕對係一大突破，令我大開眼界！盤上更有食法！牛肉刀功一流，唔係冰鮮，所以係一定要手切，分別有牛柳粒，牛池板，牛腩頭，牛胸，份量都幾足夠。味道各有千秋，整體有驚喜！令我改觀，如要一一介紹，恐怕會令大家會少左一份期待感，所以本人不會一一寫上！留待大家慢慢品嘗！
整體服務，禮貌，上至食材用料，下至醬料格都算中上水準。最令我欣賞係不論食材幾唔起眼都好，都會一一介紹，令我覺得雖然價錢唔太貴，但係禮貌至上係冇價。令我十分欣賞！呢點都值得我下次再去！
Post
