Video
Read full review
2024-11-05
2031 views
秋風起🍂又係我哋 #火鍋小隊 出動嘅時候。咁啱呢日我哋約咗行 #葵廣，當然要嚟拜訪吓我至愛嘅 #火鍋店 「一鍋堂」 啦！接近中午嘅兩點，#一鍋堂 依然係人頭湧湧，好在餐廳大門夠晒寬敞，排咗一陣隊，服務員好快就安排到座位俾我哋😉 限時100分鐘嘅 #火鍋放題，一坐低梗係要瘋狂點嘢食先啦🤭 餐單上各式各樣嘅 #肥牛、#海鮮 … 夠晒吸引👀 不過大家都唔好錯過餐廳專設嘅 #小食吧，大家可以搵到無限任食嘅 #沙律菜、#炸雞、#碗仔翅… 應有盡有🤤 仲有個幾尺長嘅大雪櫃，裡面唔單止有 #汽水 同 #紙包飲品，就連 #養生茶 都有得提供，餐廳老闆實在夠晒窩心❤️ 行埋另一面，大家亦可以搵到各類嘅蔬菜🥬，佢哋嘅 #菜心苗 夠晒嫩口，鍾意食菜嘅大家一定要試😉講返啲 #火鍋料，確實係花盡心思，單係牛肉都有唔少選擇，不過我就比較偏愛佢哋嘅 #封門柳 同 #安格斯牛肉，夠晒肉味，放湯落幾秒就食得，正呀喂😉 大廚嘅手工 #黑松露墨魚滑、蟹籽鮮蝦滑 仲有 瑤柱干貝滑 都係必吃之選，入口啖啖肉、爽彈又鮮味🤤 #鴨血、#蟹籽蝦膠釀油炸鬼、牛柏葉、#水魷魚 … 都係我嘅至愛❤️ 而不得不提嘅係餐廳居然連海鮮都係無限添加，
接近中午嘅兩點，#一鍋堂 依然係人頭湧湧，好在餐廳大門夠晒寬敞，排咗一陣隊，服務員好快就安排到座位俾我哋😉 限時100分鐘嘅 #火鍋放題，一坐低梗係要瘋狂點嘢食先啦🤭 餐單上各式各樣嘅 #肥牛、#海鮮 … 夠晒吸引👀 不過大家都唔好錯過餐廳專設嘅 #小食吧，大家可以搵到無限任食嘅 #沙律菜、#炸雞、#碗仔翅… 應有盡有🤤 仲有個幾尺長嘅大雪櫃，裡面唔單止有 #汽水 同 #紙包飲品，就連 #養生茶 都有得提供，餐廳老闆實在夠晒窩心❤️ 行埋另一面，大家亦可以搵到各類嘅蔬菜🥬，佢哋嘅 #菜心苗 夠晒嫩口，鍾意食菜嘅大家一定要試😉
講返啲 #火鍋料，確實係花盡心思，單係牛肉都有唔少選擇，不過我就比較偏愛佢哋嘅 #封門柳 同 #安格斯牛肉，夠晒肉味，放湯落幾秒就食得，正呀喂😉 大廚嘅手工 #黑松露墨魚滑、蟹籽鮮蝦滑 仲有 瑤柱干貝滑 都係必吃之選，入口啖啖肉、爽彈又鮮味🤤 #鴨血、#蟹籽蝦膠釀油炸鬼、牛柏葉、#水魷魚 … 都係我嘅至愛❤️ 而不得不提嘅係餐廳居然連海鮮都係無限添加，每次我都會叫成打 #海蝦 放湯，再配埋 #帶子、#桶蠔 一齊食，用鮮味合集嚟滿足吓我呢個 #海鮮控 🤤🤤
最後梗係要出去拎埋個 #出前一丁 放落集合所有食材精華嘅 #椰子雞湯 一齊食，湯底用上 #黃油雞，再配埋 #椰子 🥥嘅清香，非常鮮美🤤 本來已經飽到喉嚨椗嘅我哋… 最後都係食完一碗又一碗😅 睇嚟我哋嘅減肥計劃又要延遲啦🤭🤭 埋單嘅時候，店員仲提醒我哋下次有需要夜食，21:00過嚟可以減$20之餘，仲可以多30分鐘放題時間，呢個優惠真係啱晒我呢個夜鬼呀🤩
📍 一鍋堂 (葵芳) 興芳路223號新都會廣場6樓601-610號舖
Post
